" هــوازن التاريخ والسلالة" خاص بعتيبة"

[عامر بن الطفيل]

الله لايهينك يابن عمي وصلب ظهري.

شف وانا اخوك بعلمك بسالفة جرت لي مع شايب قحطاني , رجل فيه خير

ويعرف الناس , شايب فنيعة.

في احد المصالح الحكومية كنت عند بن عم لي اراجع في بعض الامور الخاصة

بي , المهم قعدت اسولف مع الشايب . من هالسوالف الطيبة اللي يعرفونها

شيبانا الاجواد عسى الله يبقيهم ذخر لنا , الرجال قعد ينشدني عن نفسي

وش انت من القبايل , الحقيقة انا ماقلتله اني عتيبي . قلت من مطير ...

رد علي الرجال ونعم في مطير " وهم والله يستاهلون النعم" قال: من اي مطير

قلت من الدياحين قال ونعم بالدياحين .. وتراكم من عنزة انتم يالدياحين.

وهو والله صادق. انا دريت انه قحطاني من لهجته ومن عبيدة خص, قلت انت

قحطاني قال اينعم قلت ونعم والله بأل مظيم وهم والله كفو .

قلتله يا شايب .. " وهوه عيار بعد" والله ياجرى بينكم وعتيبة مطاحن وفرسه

قال وبلهجته القحطانيه يويل والله جرى بينا بينهم مصادم حصن والله ياولدي

نعنابيهم مقو شرهم " الرجال ماخذ راحته في عتيبة والله لو سبهم مقدر اقول

شي هماني عتيبي! " ماقلت شي ولا علقت على هرجه فيهم مار نشدته

نشده على الحرام مايجاوب فيها الا الرجال اللي مايشك في طيبه.

قلت : ياشايب الرحمن , قال : ألبيه . قلت : اطيب انتم ولا عتيبة ..........

وهو يـــــسكت ويطول السكته ... اخذ شوي ثم قال: يامطيري قلت سم ,

قال : شف وانا ابوك كلن فيه حقة وحنا والله أل مظيم وفعولنا بينه وشاقين

في نجد حربة , وعتيبة مقدر اذمها وانتم مطير ومعكم كل القبايل ما تذمونهم

قلت : مايذم الناس الا الردي والا الطيب يذكر فعول غيره وفعولة.

قال: ملاعين الوالدين " وهنا اللعن من المدح عندنا يالبدو" نعنابيهم فيهم حاجة

ما والله تلقاها عندنا وعند باقي الناس " وهنا هو يقولها بحسرة كأنه يتمناها

لــه" العتيبي والله لو انك ذابحن ابو ه الصبح وتجيه ناخيه في الليل يأتيك

كله فزع وهو لك طربان نعنابيهم مقوى قومتهم للناس و فزعتهم ولو كانك

عدو!!!. انا هنه سكت والله ماقدرت ارد علاه المهم تقضبت للرجال ابي العزيمه

وانا والله متورط لا جا عندي في بيتي . ولا درا اني عتيبي وش بي يسويبي

الرجال عيا عليه قال: لا والله انا رجال جايك ذلحين من الحصاة اخلص معملاتي

وبانكس صوب اهلي وأبلي . قلت انت من قال : انا مبارك بن فهاد من ال الفهر

عبيدة. قلت : الله ياقاك من كل سيه يا عم.... هذه قصه لك يابو عتب"""""