قصيدة صالحة العيسائي العتيبي ( انهاك ياغازي عن الحب الاقشر ) ! - الهيـــــــــــــلا *** منتدى قبيلة عتيبة

ابن نجد · 06-Jul-2003, 11:48 PM

قصيدة صالحه العيسائي العتيبي حين رأت أخاها (غازي) وقد بانت عليه امارات عشق احدى الفتيات وكان ينشد عشقا ونصحته بأن لايكون هذا مبتغاه وان يسلك دروب الفرسان والرجال حيث لافائدة من العشق وانما الفروسية والكرم وكسب الابل ، وقال غازي :

يامرحبا ياللي على بيتنا مر
رد السلام ولامعي فيه حيله

يامرحبا عدة حصى كشب واكثر
واعداد جراد طاير من مقيله

ياحلو زوله يوم لبس المشجر
ياطى بمصبوب القدم في شليله

فلامته أخته (صالحه) في هذه الأبيات:

انهاك ياغازي عن الحب الأقشر
انهاك عن درب الهوى وتـ غديله

خل الهوى يامال جوع المجدر
ترى الهوى ماهو خطاة الحليله

ترى الهوى حسك الوبر حلوة الدر
ليا بركن حيرانها بالسليله

ترى الهوى رمح على حارك اشقر
اللي على الركاب يكسر شليله

ترى الهوى عزمة ركيب الى مر
عن بيت خمع ماينشط مقيله

خل الشحم والسمن للربع يكثر
مع منسف داف عليهم تشيله

من ضيننا والا فضين المتجرَ
عطهم ثمنها نقد والا محيله

ماهيب بنت اللي نعوله لها كر
اللي على متنه مدافق صميله

نرجو ايصال اعجابكم على القصائد ومنا لكم الشكر مقدما
-----------------------------------------------------------------
زماننا غير زمانهم وحتى نتذكر الاولين
اخوكم ابن نجد