أضخم محاوره جرت في هذا المنتدى...!!

[خالد العصيمي]

السلام عليكم ورحمة الله وبركاته

هنا أرد ان اجلب اضخم محاوره جرت لاعضاء المنتدا من ناحيه المشاهدات

حيث وصلت الزيارات الي قرابه الالفين وارد ان اجلبها لكم مختصره من الردود

واليكم



جرت بين متعب العتيبي ( ثعلي الاول) والكبتن مناحي



الكبتن مناحي

مرحبا بالثّعلي اللـي خابرينـه فالمحانـي=فايّسره وادي رهاط وفـأيمنه مقلع طميّه!!
لا تقول الثّعلي الاول.. يالين تشوف ثانـي=كلكم ياربعنا وقـت الطلـب فالمقدميـه!!

متعب العتيبي

البقا بالكبتن مناحي بعـد خطـه لفانـي=منزلي معروف وانته وين ياراع الحميـه
الحصان حصان دايم مايجيب الا الحصاني=مادخل معنا ضعيف ولا دخل معنا هميـه

الكبتن مناحي

يالقضاه الشعر مايبغى معاديل وعواني=لاش معدالً يطيح ولاش تعليقة عنيـه
والكلام اللي عللى قلبي يجيكيبه لساني=كلنا عتبان والطائف قريب من الحويه

متعب العتيبي

ماطلبنا منك حق ولا تغيـر فالمعانـي=لا تسوي لك قضيه وانت ماعندك قضيه
انته من ايا عتيبه ياهـذاه المودمانـي=خابرين الاصل مير الفرع عجل به عليه

الكبتن مناحي

يالقضاه احكامك ماعـاد يقبلهـا الزمانـي=جاهليه والعرب ماعـاد تبغـى الجاهليـه
كان مستعجل تبى كل الحقايق في ثوانـي=عندك ايميلي وراسلني يابن عاضي شويه!!

متعب العتيبي

حكمنـا جنبيتيـن انحطهـا بيـن الاذانـي=ماتناقض حكمنا مع حكـم خـلاق البريـه
اتشرف بالشجيـع ولا اتشـرف بالجبانـي=وانت من هرجك شجيع وحسنتك ماهي بسيه

الكبتن مناحي

حكمكم لا جاء فالحديث ولا لقيته فالقراني=لا لقينالـه هنـاك ولا لقينالـه هنـيّـه
خفّف السرعه شويه واربط حزام الاماني=والدروب طوال يارجال والطرقـه مديـه

متعب العتيبي

كان اغاضك حكمنا يابو لهب مالك مكانـي=ارفع الغتره عن الصلعه واخذلـك نافعيـه
الدروب اطوال مار العشر لاترجع ثمانـي=وان بغيت تقصر الخطوه تراه احسن شويه

الكبتن مناحي

الله انه فوقكم ياعيال ثعلي لا يحدانـي=مانبى منكم كثير.. ولا نبى منكم بليّه
مكتفين بشرع ربّي من طويلين اليماني=الملك عبدالله ..ونايف وزير الداخليـه

متعب العتيبي

مانباك ولا تبانا ياوخيّ صحيـب هانـي=مار انا منكم بعد هذي نويت اغسل يديه
اكتفيت بشرع ربي عقب نور الخير باني=والزمان اللي مضى الثعلي تنجّد به خويه

الكبنت مناحي

ابك حنّا ماوصلنا الـ..مانباك ولاتباني=وأن تبرّيتوا ..تراها منكم الذمّه بريه
ياذوي ثعلي تراكم كلبوكم من خواني=مير فيكم جاهليه عاقبتهـا عنصريـه

متعب العتيبي

لاتغيّـر هرجتـك ياصاحبـي يالقلبانـي=مايجي منّا قصور ولاحصـل منّاخطيـه
انشد اللي عارفين العلم يامناحي وكانـي=من هم اللي في نهار الضيق صدتهم قويه

الكبنت مناحي

يابني ثعلي ..تراني كبتـن مناحـي ترانـي=اشرب الشعار فالميـدان شُـرب الشاذليـه
ولا على العتبان خوف.. الديره امان وطماني=والختام اخـر كـلام ادق لعتيبـه تحيـه!!

متعب العتيبي

انته مناحي وانا قافي زهمته ماعصاني=الحقيقه مايضحكني ترى شـر البليّـه
ماعلى العتبان خوف والابهم واحد اناني=والختام احلى تحيه مع سلام ومقدريـه

وفي الختام اتمنا ان تستمتعوا بهذه المحاوره