من هو شاعر الـــــــــــــــــوطن !!!!!

[‏ミ♡彡 العميد ミ♡彡]

اول شيء قاعد اتكلم معاك بأدب واحترام ولا غلطنا لا عليك ولا على قبيلتك ونعم فيها
وغير كذا انا ضيف عندكم في المنتدى احترم عادات القبايل الى تعلمناها من الاجداد

مسوي نفسك اديب يالجلّه كنت واثق انك ماراح
تلتزم بالادب وراح ترجع لطبعك الاصلي اللي تعلمته
من اجدادك ههههههههه
يالربع تراني شبه متخصص في سلوكيات هالاوادم
لاتلوموني اذا قسيت شوي .

[رجـم النـايـف المطيري]

حيلكم في تركي يالربع لاتخلون شي

وهو انشالله انه من اهل الجنه على كثر ماقلتو فيه

{والله ماقول غير ياكبر حظك }

{ياتـــركـــــــي المــــــيزانـــــــي}

[عقاب الحويماني]

اشكرك ياكوداك على الطرح الجميل؟؟؟

شاعر الوطن / خــــــــــــــــــــلف بن هذال ؟؟؟ مافيها كلام ؟؟؟

وتركي الميزاني شاعـــــــــــــــر ومن حق قبيلته الفخر فيه ياربع؟؟

وشاعـــــــــر الوطن معـــــــــــروف ؟؟؟

*** رجم النايف المطيري / تحيه خاصه لك على الكلام الجميل؟؟

وعرفت لها يارجم لاهنت؟؟؟

تحياتي / عقاب الحويماني

[فيصل الحمراني]

شاعر الوطن خلف بن هذال وشاعر الامه يوسف
ولان ينزال على اللقب اي من كان
مافيهااااااااااا كلام---------

[مخلب]

عجيب خلف شاعر الوطن الا ان يموت بعد عمر طويل وقتها سوف يتم البحث عن الاجدر ..

[السلطان العتيبي]

أخوي نايف المطيري

الله يسعد أيامك ، صدقني كل من يسب تركي او يتكلم عليه فهو غلطان وصدقني راح يندم بينه وبين نفسه لأنه أخطأ على رجال ماقال له شي

وتركي محشوم وقبيلة مطير العزيزة محشومه ، بالنسبة لبعض المتعصبين من اخوانا المطران لتركي فلهم حق يتعصبون له ولو على خطأ بكيفهم لكن ياخوك التعصب لدرجة أنهم يسلبون الحقوق عن أهلها مايرضي أي انسان عاقل من مطير فما بالك بالناس الآخرين

الكذب وانا اخوك والسخرية بعقول الناس تعتبر من خوارم المروءة يانايف

مقولة ان تركي شاعر الوطن سخرية بعقول الناس لاتستساغ واقولها واقسم بالله العظيم ماهو تعصب لأحد وأقسم بالله ماهو كره لتركي أو لمطير بل والله اني أحترمكم واقدركم وكثير من أصحابي مطران واتشرف بهم لكن السخرية بعقول الناس ماهي زينة وانا اخوك

.


أخوي فيصل الحمراني !!!!

ياكبرها يوسف شاعر الأمة !!!!! ياناس التعصب لايدفعكم للسخرية بعقولنا ! يوسف شاعر جزل وتوه صغير والمستقبل قدامه لكن شاعر الأمة ! كبيرة شوي ياخوك

[رجـم النـايـف المطيري]

انا اعتقد ان هذا اسم وليس ملك لأحد

ولايوجد عليه صك شرعي

وانا ابا اضرب لك مثال :

اكيد كلكم تعرفون فيصل ابن سقيان _ فارس من فريس ذوي عون

من عبدله من مطير وملقب عن 90 فارس وكان اسمه معلق على

بوابة بغداد من قديم الزمان

وكان لقبه المشهور{راعي العليا فيصل}متفق عليها من جميع

القبائل /// حلو الكلام

والفارس شبيب ابن حجنه النفيعي العتيبي فارس معروف من فريس

عتيبه ايضا اشتهر بنفس اللقب اللذي اشتهر فيه فيصل ابن اسقيان

ولا تعاندو عليه مثل مافعلو الاخوان جزاهم الله خير

وانا هذا رايي فالموضوع هذا

واسمحولي على المداخله ياعوانينا العتبان

اخوكم

رجـــــم النـــــايــــــف المطـــــــــــيري

[البرق العصيمي]

ياكبرها يوسف شاعر الأمة !!!!! ياناس التعصب لايدفعكم للسخرية بعقولنا ! يوسف شاعر جزل وتوه صغير والمستقبل قدامه لكن شاعر الأمة ! كبيرة شوي ياخوك

اخوي السلطان اللقب اطلق على يوسف

من قبائل اخرى وتفاعلوا مع قصيدته الأخيره

وقالوا هذا شاعر الأمه العربيه

لإنه استنهض هممهم وشحذ نفوسهم الميته

وكان ينبغي عليك انك تمشي مع الركب ماتخالفهم


والشاعر يوسف عنده ملاحم وقصائد لم تظهر حتى الآن

وعنده قصيده مرثيه في صدام


يقول يوسف عنها انه بتكتسح الساحه وكان يريد القائها في البرنامج

بس منعته لجنة الفلس

[السلطان العتيبي]

هلا أخوي رجم النايف المطيري

يعني لو أقول أن حمران النواظر هم الدواسر مافيه مشكلة ؟؟

.

[رجـم النـايـف المطيري]

المشاركة الأصلية كتبت بواسطة السلطان العتيبي

هلا أخوي رجم النايف المطيري

يعني لو أقول أن حمران النواظر هم الدواسر مافيه مشكلة ؟؟

.

الف الف نعم بالاد زايد

اذا هم اشتهروا فيها وانتشرت بين الناس انا مالي حق اعارضهم

على اسم ينطق باللسان ولا املك السلطه اني اقضب حلوق الناس

وامنعهم بعدم النطق به

ـــــــــــــــــــــــــ

اشكرك من القلب ياخي الفاضل ويعجبني فيك اخلاقك العاليه

وان دل انما يدل على رجاحة عقلك طال عمرك

تحياتي لكم ياخواني

رجــــم النــــايـــــف المطــــــــيري