|
03-Feb-2007, 10:20 PM | رقم المشاركة : 1 | |||
|
غزليه
عدّيت فـي راس الطويـل المطلّـي**
اللي يوصّف في دجى الليـل لونـه عـن الرجـوم النايفـه مستقلـي** ترفا الحرار أوكارهـا فـي ركونـه عيني على العالي وأحـب التعلّـي** والطيب عالـي والنشامـى يبونـه وغنّيت يوم إن الغنـاء عـادةٍ لـي** اضبط معاييـره وأخفّـف لحونـه من خزنـةٍ ماهيـب خزنـة مقلّـي** تاجـر وعنـدي بالرمايـه مرونـه أرمي ليا شفت الهـدف بيّـنٍ لـي** رمية ذريفٍ رميتـه مـن عيونـه ليا خطر بالصيـد جـاب المجلّـي** عَـدْلٍ قطرهـا والنظـر مايخونـه لي صاحبٍ غالي ولا أدري وش اللي** خـلاّه مـن يمّـي تغيّـر ظنونـه ليـا عزمتـه مايشـرّف محـلـي** وليا بحثته فـي نقاشـه خشونـه وأزريت من راع الغـوج والتغلّـي** أمّـا أمدحـه وألاّ عطانـي متونـه خلّـه يولـي .. والمولـي مولـي** ماينفع البائـق لـو إنـك تصونـه مهف غـربٍ مارجـع يـوم دِلّـي** فـي راس حبـلٍ ذايبـاتٍ منونـه عوّد يلولـح بالهـواء يـوم تِلّـي** والغرب بأقصى البير والجـم دونـه ومهف طرشٍ عند الأجنـاب خِلّـي** متكانفينـه بأربعـيـن مْعَنـونـه لقوه في وصـط المضامـي مفلـي** ماحال دونـه مـن يعقّـد ردونـه مانـي مطيعـك يارفيـق التسلّـي** دوّر خروفٍ تسحبـه فـي قرونـه : : "عبدالله ابن زويبن المعمري الحربي" |
|||
|
|
04-Feb-2007, 01:39 AM | رقم المشاركة : 2 | |||
|
بيض الله وجهك على هذه الغزليه الرائعه
وعلى هذا النقل الرائع. |
|||
|
|
04-Feb-2007, 05:06 PM | رقم المشاركة : 3 | ||||||||||||
|
|
||||||||||||
|
|
04-Feb-2007, 05:07 PM | رقم المشاركة : 4 | |||
|
وبيض الله وجهك على مرورك الكريم اللي زادني فرح
اخي المهاجر تحياتي,,,, |
|||
|
|
04-Feb-2007, 05:11 PM | رقم المشاركة : 5 | |||
|
وعليكم السلام ورحمة الله وبركاته اخوي ناصر الدغيلبي مسيت بالخير
ولاهنت على مرورك تبشر بعزك ياولد النعيري اخوك ساري. |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|