 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
10-Dec-2006, 02:41 PM
|
رقم المشاركة : 1 | |||||
|
عشق القهوة_دغيم الضلماوووي
السلام عليكم ورحمة الله وبركاته
بسم الله الرحمن الرحيم ياكليب شب النار ياكليب شبه عليك شبة والحطب لك يجابـي هذه قصة للضلماوي والكثير الكثير يعرف هذا البيت ولاكن يجهل قائله كما يجل مناسبة هذا البيت امل ان افيدكم بسرد هذه القصه ففي وقت الامير محمد العبدالله الرشيد ذاع صيت / دغيم الضلماوي الشلاقي الشمري ذاع صيته بالكرم وخاصة القهوة وقال هذه القصيده ياكليب شب النـار ياكليـب شبـه عليك شبة والحطب لـك يجابـي وعلي أنـا ياكليـب هيلـه وحبـه وعليـك تقليـط الـدلال العذابـي وادغث لها ياكليب من سمر جبـه وشبة الي منه غفـى كـل هابـي باغـي ليـا شبيتهـا ثــم قـبـة تجلب لنـا ربعـا سـراة غيابـي بنسريـةً ياكليـب صلفـا مهـبـه لاهب نسناسـه تقـل سـم دابـي سـراة بليـل وناطحيـن مهـبـه متكنفيـن وشوقـهـم بالعـذابـي الوالمـة ياكليـب عجـل بصبـه والرزق عند اللي ينشى السحابـي صبـة لقرمـا صرفتـه ماحسبـه يوم البخيل مكنهب الوجـة هابـي وصبة لمنعوريـن ليـا جـاة نبـة يرخص بعمره والدخل لها ضبابي وعدة عن اللي مايـداري المسبـه اللـي يـدور بالقصيـر الغيابـي عن الطيب عده نـازلا لـه بغبـه يضرب علي درب الخطا مايهابي لا باطن الهلبـاج خطـوا الجلبـة يا حلو خبـط عصيهـم بالركابـي أطمر لهم وأبـدي سـلام المحبـه لا جو على هجناً يديهـم خرابـي سلام أخلى مـن شخاليـل جبـه وأحلى من السمن الجديد العرابـي مع كبشً مصـلاح راسـه نجبـه لا أدبـر الهيـن متيـن العلابـي خطو الولد يـوم الملاقـي نكبـه يأتي علينا من حسـاب الزهابـي وحتى يش لو يلبس وبينن وجبـه معيـرة علـى غضيـر الشبابـي أنا لقيـت الصبـر يازيـن غبـه يرقيك رؤوس مشمرخات الهضابي من لاصبر ياكليب في حكم ربـه هذاك يـوم البعـث مالـه ثوابـي يقولها اللي مـا حسـب المسبـه ولا عرقل الاجواد ببعض الهلابي هذا هـوى بالـي وهـذا مطبـه من قبل مايسفـح علينـا الترابـي سمع الامير محمد العبدالله الرشيد بكرم الضلماوي واراد ان يختبره في هذا البيت الوالمه يا كليب عجـل بصبـه والرزق عند اللي نشى السحابي وفي احد الليالي قال الامير لبعض من رفقائه ( ترانا نبي نسير ) ولم يخبرهم اي وجهته حتى اناخ ابله عند الضلماوي وقال الامير محمد :- (ما تقولي يالضلماوي وش عندك به يوم انك تقوصد يا ) كليب يا كليب . فعرف الضلماوي ان الامير زعلان فقبلة وقام ومد يده للامير وقاله :- مده رهن لولاك ماقلـت ياكليـب ولا قلت شب النار وصر موقدا له في ليلة تجدع سـواة المشاهيـب نسريـة تلصـق خليـل لخـلـه نطعن بعزك ياحصـان الاطاليـب عسى الله جمع حزمتك مـا يفلـه يالجوهر الناريز يالمسك يالطيـب يـا عنبـرا مـن جربـه مايملـه تكفي محاليـب وتملـى مجاليـب وكبـد تيبسـهـا وكـبـدا تبـلـه ياطير شلوى مالقي بـك عذاريـب لو تستحتي ما تجمع الطيـب كلـه يا بو اليتامى والارامل ومن عيـب وأبوا لمن صار العصى ثالث لـه وابو المحرول والاعمي والمحاديب ومن ضامته بعقاء تصير ولدا لـه أن كان هرجي به عليكم عذاريـب سامح عسى اللي عقبك بألف حلـه مده رهن لولاك ماقلـت ياكليـب ولا قلت شب النار وصر موقدا له في ليلة تجدع سـواة المشاهيـب نسريـة تلصـق خليـل لخـلـه نطعن بعزك ياحصـان الاطاليـب عسى الله جمع حزمتك مـا يفلـه يالجوهر الناريز يالمسك يالطيـب يـا عنبـرا مـن جربـه مايملـه تكفي محاليـب وتملـى مجاليـب وكبـد تيبسـهـا وكـبـدا تبـلـه ياطير شلوى مالقي بـك عذاريـب لو تستحتي ما تجمع الطيـب كلـه يا بو اليتامى والارامل ومن عيـب وأبوا لمن صار العصى ثالث لـه وابو المحرول والاعمي والمحاديب ومن ضامته بعقاء تصير ولدا لـه أن كان هرجي به عليكم عذاريـب سامح عسى اللي عقبك بألف حلـه وعقبة قال الامير محمد العبدالله يالضلماوي قال نعم قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل ووووشكررااااا وارجوووووووا ان يعجبكم الموضوع .....(واتاسف اذا كان هناك غلط او خلل في القصة اوالقصيدة)..... تحيااات::: شغمووووووم |
|||||
|
|
|
|
|
|
|
|
|
|
10-Dec-2006, 06:47 PM
|
رقم المشاركة : 2 | |||||
|
لاهنت ياشغموم وبيض الله وجهك
واسمحلي بالمداخله حول شطر البيت الذي اوردته (متكنفيـن وشوقـهـم بالعـذابـي) والذي سمعناه هو (متلطمين وسوقهم بالعقابي) حيث انه وفي وقت البرد عادة الرجال يتلطمون وسوقهم بالعقابي من شدة البرد وليبوس اليدين يستخدمون عرقوب الرجل في سوق الذلول. ارجوا السماح حول المداخله. وتقبل شكري وتقديري،،، |
|||||
|
|
|
|
|
|
|
|
|
|
|
12-Dec-2006, 05:28 PM
|
رقم المشاركة : 3 | |||||
|
مشكووووووووووووووووووووووووووووووووووووور
على المروووووووووووووووووووووووووووووووووور وشكرااااااااااااااااااااااااااااااااااااااا على التعديل الاخ:::::: النعباااااااني |
|||||
|
|
|
|
|
|
|
|
|
|
|
15-Dec-2006, 03:44 AM
|
رقم المشاركة : 4 | |||||
|
يعطيك العافيه ياشغموم على هالنقل
والطيب ماهو غريب على السناعيس بالماضي والحاضر الحق ينقال ياليت تتحفنا بكل جديد وتقبل الاحترام والتقدير |
|||||
|
|
|
|
|
|
|
|
|
|
|
15-Dec-2006, 05:28 AM
|
رقم المشاركة : 5 | |||||
|
شكراً على هذهـ القصة والقصيدة التي تعبر عن الكرم
|
|||||
|
|
|
|
|
|
|
|
|
|
|
17-Dec-2006, 02:32 PM
|
رقم المشاركة : 6 | |||||
|
مشكوووووووووور عقاب على المرووووووووور
وابشررر بقصص مثل هذه فهذه عبر وعشق وتراث ومشكووووووووور الاخ::: ووواكد بن مبااااارك على المرووووووور |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
