أحيه ياقلب فيه النار مشبوبه ...... زادوا حطبهاا وزادت في لهايبها

[السميــــــري]

السلام عليكم ورحمة الله ..
هذه القصيدة التي بين ايديكم لأحد أخواني
ويريد رايكم فيهااا ..
..

أحيه ياقلب فيه النار مشبوبه = زادوا حطبهاا وزادت في لهايبها
أذكر رفيقٍ على الطالات مركوبه = يومن بعض العرب تفقد ركايبها
مافيه غير العيوب اللي به تعوبه = انه خذا مدح حاضرها وغايبها
العز والطيب والنوماس في دروبه = وفي فزعته للبعيد وفي قرايبها
كسّاب قولة نعم في كل ماجوبه = أل مثل هذا على قلبي صوايبها
يفقدك منهو عليه فضول مصبوبه = من فزعة البرق لاجفت شعايبها
واليوم ماني براضي كان يرضوبه = عان العرب شالت اليومه زهايبها
من بعد عيسى ترى دنياي مقلوبه = ماهوب انا وانشد اليومه كتايبها
نحسب دقايق .. زماان الوقت محسوبه = وبعض النوايب ترى مالي حسايبها
صحيح كلٍ وله فالدهر مكتوبه = والصبر مر وحلاته في عقايبها

وسلامتكم....

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع