الليل يامقعد انا ويّاك والليل الطويل ...

[سعود العصيمي]

المشاركة الأصلية كتبت بواسطة ابو شريد

السلام عليكم

تفضل يامقعد .. اتعلم من شرواك

الليل يامقعد انا ويّاك والليل الطويل = قل للصفوف الليل يامقعد تزيد صفوفها
أثر الجمل لو حملته صعبه على ظهره يشيل = مدري البلا في كورها والا البلا في خفوفها

صـــــــح السانك يابو شريد

[ابو شريد]

خذ راحت يالغالي وهذا طبع النت كل واحد ينشغل ..

لارشرشت بيض المزون شعيبها ماهوب يسيل = لو كان لاح بروقها ورعودها بقنوفها
ياحي راسٍ فالمواقف ما يزحزح مايزيل = لكن بعض الروس يامقعد تعيب كتوفها

[ابو شريد]

ابو نجر
مرزوق العتيبي
سعود العصيمي
فيصل المسعودي

صحة ابدانكم
مشكورين .

[مقعد الدغيلبي]

صح اللسانك وسسسسسسستلم

لالاح براقه تحيزم وازبن القصر الضليل=بعض الصاندق مشكله يمكن تخر أسقوفها
يابو شريد مايذّملك الشجيع الا الذليل=كمٍ مظاهر لامعه مير البلا في جوفها

التوقيع

[أبو نجر النفيعي]

..
.
الله علاكم مبدعين كلاكما
صح السنتكم ... واصلوو

التوقيع

.....

[ابو شريد]

صح لسانك يالمبدع استلم

مايزبن الا من يحدونه ولاني بالدخيل = واعلم ليا مافاد باعك وش تفيد سيوفها
كل النجوم الثانيه أتلد في نجمة سهيل = مار الأسى في وجيهها والحزن داخل شوفها

[السميــــــري]

ما يـزبـن الا مــن يحـدونـه ولا نــي با لدخـيـل = واعلـم ليـا مـا فـاد بـاعـك وش تفـيـد سيوفـهـا
كـل النجـوم الثانيـه أتلـد فــي نجـمـة سهـيـل = مار الأسى في وجيهها والحزن داخل شوفها

صح لسااانك يابو شريد

ابداااع
واصلووااا..

الشااعر الرائع مقعد
الابداع كله

تحياتي

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مقعد الدغيلبي]

صح اللسانك وستلم

يالادمي لو شفت نفسك واصلك يوم الرحيل=سود الليال أمانها ماينعرف من خوفها
هاذي شهاده منك وانته عن طريقك لاتميل=يالعنبو روسٍ ماتحمى فاللزوم أكتوفها

[ناصر الدغيلبي]

	السلام عليكم ورحمة الله وبركاته صح لسانك يا ابو فيصل كل يوم أبداع متميز الليل يا مقعد مع تحياتي لكل أعضاء منتدى الهيلا هذأ الصرح الشامخ وكل عام وأنتم بخير

[مرزوق حمدان العتيبي]

....
.
مرحبا ياناصر .. حي الله الغالي..
كل عام وانت طيب يابن العم ..
...

ابو فيصل ... وابو شريد ..
مبدعين والله يعطيكم العافيه ..
متابعين با اعجاب ..
..................

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD