قصيدة رائعة في الابل (عبداللة بن عون)

[ماجد الرويس]

يا كان من ليلة على أرضك تساويـت=عيـا وفاقـك لا يـلايـم وفـاقـي
لو كان فالضيفـان مـا قـد ترديـت=وجـوك متيـع و تعتنـي بالطراقـي
من يوم طبيتك و أنا مـا أسفهليـت=لعـل مـا يبقـى لأهاليـك بـاقـي
حاولت أوسع خاطري فيك و أزريـت=بيني و بين أطباع أهلـك انشقاقـي
واليوم غايـة رغبتـي لـو تمنيـت=فرقاك و أنتـه مـا تبـى إلا فراقـي
واللي على بعده مـن البعـد حنيـت=وينتابنـي عقـب الحنيـن اشتياقـي
نجد وهواه و شوف هاك السباريـت=اللي لها فـي وسـط قلبـي رواقـي
ومنادمـة روس الرجـال المناعيـت=كـل أبلجـن لـه فالطويلـة مراقـي
ولحدٍ يواخذ ني ليـا قلـت هاويـت=وضح ٍ تفرق ما اجتمع من ضياقـي
وضح ٍ ليا مني مـن المـدن مليـت=معها انشراحت خاطـري وانطلاقـي
أمـا ليـا سنـدت و ألا ليـا نحيـت=مع درب براق ٍ سر الـه شعـا قـي
برق ٍ سرى يوضي كما يوضي الليت=بعروض نوى ٍ ساق مزنـه وساقـي
وتعرضه من رايح الشـرق تثبيـت=يثني على الريض أرقـاب السباقـي
ليا شفت براقه على سيلـه أرهيـت=بيـض مراهيشـه مطرهـا حقاقـي
تذبح لهـا حـي ٍ و تحييلهـا ميـت=وتصبح به الوديـان مثـل السواقـي
وأما تحاسنت العساسـه و عسيـت=ومشيت مع سيلـه و نبتـه دقاقـي
وألا على دربه ليا أصبحـت شديـت=وخليتهـا تـاط الحثـم و الرقـاقـي
وضح ٍ ليا احتست و شافتني أنويـت=قامت تسوق أنفوسهـا مـا تساقـي
تنجال مثل الصيد لا صحت وأوميـت=وألا ليـا طـق اللبـيـد العـراقـي
يجيـك ممشاهـا تبـارى تفاخـيـت=مافي بعضها عن بعضهـا انفهاقـي
ولو حال من دون المعشى مراريـت=ترهـي عليـه معربـات العمـاقـي
من ساس وضح ٍ فالجز يره لها صيت=علـى مخاذعهـا تلـوح الحـلاقـي
وليا تثنـت فـي نبـات السواريـت=في خايـع ٍ لأرقـاب نبتـه زراقـي
غادي بوسطـه لأم سالـم زغاريـت=وفيه الزبيدي مثل بيـض الطواقـي
ثـم جيـت فأولهـا وللنـار شبيـت=وقضب عراقيـب الـدلا ل الشلاقـي
ما غبطك يا للي فالحضـاره تلويـت=يا موالف الجدران ويش أنت لا قـي
لو كان فالحصن الحصيـن استكنيـت=وتقول أنـا مرتـاح مانيـب شاقـي
كانك على هالأنطـواءى استمريـت=وسويـت مـع بـث القنـاة اتفاقـي
أما من السكـر شبعـت و ترويـت=وألا بصرك أوشك علـى الاحتراقـي
سج النفس واضرب دروب الخراريت=لو ما تذوق مـع الخـلا مـا يذاقـي
ما ينطوي في غرفة ٍ فأخـر البيـت=غير الـذي راسـه يبيلـه عراقـي

[مخ الذيب]

صح الساااااااااانك

[أبو نجر النفيعي]

شارب الفنجال

صح الساانك
وصح الساان شاعرها

قصيده جزله

وننتظر جديدك

التوقيع

.....

[الأمــير]

صح الساااانك والسان الشاعر

[سطام الرويس]

صح لسان الشاعر
وشكرا على النقل الرائع والمتميز

اخوك سطام ابن عون

[طارق المسعودي]

عز الله انه صدق

لاهنت ياشارب فنجال بوش على نقلك

وصح لسان شاعرها

[تركي المسعودي]

صح لسااااااااانك ياشارب
والابل تستااااااااهل اكثر
ومشكور على النقل الرائع والقصيده الأروع

[هلال الدوادمي]

صح لسان شاعرها ::
شارب (الله يكفينا شر شرابك) مشكور على النقل المميز
الله لايهينك

[فهد النفيعي]

والله صح لسان الشاعر ابن عون ونا شهد ان ابله ما شا الله وضح من اطيب البل ونا قدجيته يومنه في يم المحارق قبل العام وشربت من حليبها.........

شارب فنجال بوش بيض الله وجهك...

[ماجد الرويس]

اشكر كل من عقب علي الموضوع

وتحياتي لكم