الشاعر غازي مهنا الشيباني

[عابـــــر]

هذه قصيده لشاعرنا غازي مهنا آمل أن تحوز على رضاكم ،،،،





فكرت في دنياي بالعرض والطــــول * * وأصبح خطاها ما يساوي نصفهـــــــا
لو طاب لي في عيشها كل ماكــــول * * كيف أهتني في تمرها من حشفهــا
تضحك لنا الايام والغيب مجهــــــــول * * واتعبت نفسي ما تحقق هدفهـــــــا
نفسي لها هومات وتصول وتجــــول * * ولا بد دورات الزمان تعسفهــــــــــــا
لو أشرب الصافي قراح ومزلـــــــول * * كم شربة للكبد تنكر عدفهـــــــــــــــا
أسمع وانا قلبي عن الهرج مقفــــول * * وفي صدري الأسرار ما احد كشفها
لو تعجبك يمناك والزند مفتــــــــــــول * * لا بد ما الايام تثبت ضعفهـــــــــــــــــا
تصفي لك الايام ساعات وتــــــــزول * * لو مهلت لك منك تخلي طرفهــــــــــا
كم واحد كنه عن الموت مكفـــــــــول * * واقفا وباقي عملته ما صرفهـــــــــــا
وش عاد لو عمرك يكمل مية حــــــول * * من شاف تالية النهاية عرفهـــــــــــا
أعرض عن الزلات وابعد عن القــــول * * وخالف هوا نفسك ونزه شرفهـــــــا
وترا الطريق اللي عن العدل معزول * * أما يهين النفس ولا حرفهــــــــــــــــا

وسلامتكم ،،،،،، الله الله بالتنسيق .

[ذيب الشيباني]

صح السانك ياعابر والسان الشاعر العملاق غازي بن مهنا الشيباني

[مرزوق حمدان العتيبي]

..
.

صح لسانك ولسان الشاعر الجزل
غازي بن مهنا الشيباني ..
..

.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عابـــــر]

ذيب الشيباني صح بدنك وشاكرين مرورك .......

[عابـــــر]

مرزوق صح بدنك وشاكرين مرورك .......