أغرب قصة حب حدثت في الرياض ( طريفة جداً ) !!!!!!!!!!!!!!!

[منصور الحمادي]

هذه القصة المأساوية ...... منقولة


رحت لمحل بيع الكتب المستعمله المكتبة هذي تبيع الكتب الرخيصه

رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب


فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم ..

الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام هذا:

( أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة..

ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!!

وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت

عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما

تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي

أشتريه في تاريخ كذا كذا )

ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت وطي)..

وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر


ضبطت لها رد محترم وقلت لها: ترى أبي أشتريه عقب أسبووع .. ورحت أرجعه ..

وفعلا رجعته وشراه الزوووول مني بنص السعر


اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت

بنت وشالته !!

وانا اللي تنفتح كشرتي لين وصلت اذاني

المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل..

لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..

مررررررت الأيام وجيت مرة قلت للـزوول وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي

عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو

أحمر أصلا مهوب أصفر ..

المهم ديورت بسرعة ودخلت المحل بسررررعة.. تتوقعون وش شفت؟!!!


لقيت الاخ ابن الذين ماسك كتابي الأحمر وقاعد يكتب الرسالة اللي أنتظرها في
صفحة من الصفحاااات
طلع اللئيم هو اللي انا خاق معه من مده




ملاحظة : ذكرت هذه القصة لطرافتها وإن كنت أعتب على تصرفات بعض الشباب والفتيات الغير أخلاقية هدانا الله وأياهم الى طريق الهدى والصلاح ..

[سهم العضيان]

هههههههههههههههههههههههههه
تشكر يا منصور على القصه الطريفه
وتقبل التحيه

[عتيبي معاصر]

خخخخخخخ خهههههههه هككككككككككك

قصه رائعه من انسان يحس بلوقع


ولك احترامي وتقديري

[ذيب السبايا]

الله يعطيك العافية يامنصور

[متعب الدله]

من جد يامنصوره القصه حلوه وجميله
بس شفت ذكاء هالزول يبي يمشي سوق محله اكيدله نسبه من المبيعات ( الحاجه ام الاختراع )



المهم تشكر عليها وابي اقولك لاتعودها وابيك تقولي لابالله ابشرك تراني تعلمت


اقبل مني هالمزحه قبل التحيه تحياتي لك


اخوك متعب الدله: عبدالله الثبيتي

[نواف الحسيني]

لا هنت يامنصور على القصه الطريفه


ويعطيك العافيه



تحياتي

[رعي الشلفي]

هههههههههههههههههههههههههههههههههههههههه افا يامنصور راحت عشاء لزوووووووول قصه روعه يعطيك العافيه

[ابن مشيب]

المشاركة الأصلية كتبت بواسطة منصور الحمادي

لقيت الاخ ابن الذين ماسك كتابي الأحمر وقاعد يكتب الرسالة اللي أنتظرها في
صفحة من الصفحاااات
طلع اللئيم هو اللي انا خاق معه من مده

هههههههههههههههههههههههههههههههه




تحياتي

[ابو فايح]

ههههههههههههههههههه يالمخفه

[نواف الحسيني]

مشكور يامنصور على القصه


ولا هنت



تحياتي