مقتل تركي بن حميد .. مصدر موثق ...

[sultan]

بسم الله الرحمن الرحيم

شكرا لجميع المشاركات ولجميع الاخوان

أنا أؤيد من يقول أن تركي مات ولم يقتل وسمعت بما ذكره الاخوان وليد وابن مكرز

تحياتي للجميع

[عريف ركن]

حي الله عتيبه والله يمسيكم بالخير


عندي استفسار بسيط


الحين انتم تقولون ان الامير تركي مات عندكم


بعد ما صوب بيوم او يومين


طيب ليش ما دفن على طول؟؟؟


ووشلون يجي الملعبي عقب سنه ويكسر راسه ؟؟؟


خاصة اذا علمنا ان الامير تركي كثير التدين فكيف لا يدفن؟؟؟


انا سمعت من واحد عتيبي يقاله البراق الثبيتي


ان مطير ذابحين تركي ويوم ذبحوه بعد المعركة على طول جاه الملعبي


وطق سنونه بمفصل اصبعه وهو يقول / خل البل ترعا ياخو شرعا


ما قال كسر راسه او هشمه


والله يرحم الامير تركي رحمة واسعه ويجعله مع النبيين والصديقين والشهداء


وحسن اولئك رفيقا


اخوكم / عريف ركن المطيري

[أبن مكرز]

مرحبا يالعريف ركن المطيري

واذا انت صادق جب اسم البراق كامل والناس يقولون


اليا بغيت تكذب سند

واعلم ان الامير تركي ابن حميد لم يمت الى بعد صوابه

بايام وهذا كلام شيبانا عن ابائهم واجدادهم وهم حاضرين

صواب تركي

والملعبي يوم كسر سنون تركي بدافع الحقد لان الامير تركي

وقبيلته عتيبه طردت جميع القبائل التي في نجد عن ديارهم

[عريف ركن]

حي الله ابن مكرز


انشاء الله لا انا ولا انتم من اللي يكذبون


اللي قالي السالفة طال عمرك يقاله مطلق بن نايف البراق


من الرياض والظاهر انهم قبل كانوا في الشرقية


ولو تبي تنشد تبي تلقى كثير من عتيبه يقولون نفس الكلام


واكثر منهم يقولون روايتك انت


حتى مطير مختلفين في اللي ذبح تركي


منهم من يقول مبلش بن جبرين ومنهم من يقول الشريف


والاغلبية يقولون صنهات بن حريش






لكن انا استفساري محدد وواضح ووالله العظيم اني ما اقصد من وراه اي شي


استفساري عن المطيري اللي كسر سنون تركي


وبعضهم يقول كسر راسه وشلون تقولون بعد موت ابن حميد بسنه


او اكثر ؟؟؟


ما دامه مات عندكم وفي دياركم صعب يجي اي واحد ويكسر سنونه


انا هذا قصدي





واحب اعلمك يابن مكرز ولا يهونون الجميع ان الامور هذي اكره شي عندي


الواحد يقول سوينا وفعلنا ويرد الثاني عليه حنا فعلنا وسوينا


والله ثم والله ماراح تفيدنا لا دنيا ولا آخره


وقت الفخر بها السوالف راح وولى


واليوم الفخر باللي ينفع امته ودينه ووطنه والناس معروف اصلها وفصلها


واللي ذبح تركي بن حميد تحسبه يبي يدخل الجنه بسبب فعلته ؟؟؟


هذا دم مسلم يبي يحاسب عنه فما بالك اذا كان هالشخص من الصالحين


واهل التدين والتوحيد نحسب الشيخ تركي كذالك والله حسيبه


وما نزكي على الله احد




يعني زبدة الكلام يالربع ان الامور هذي امور القبيلة ما نعطيها اكبر من حجمها


وفي نفس الوقت ما نسمح بالتدليس على القبيلة ايا كانت هذي القبيلة




ووالله العظيم اني اجلس مع شياب الله يطول عمارهم من مطير وعتيبه ويعرفون


هذي السوالف زين وبعضهم يمكن عاصرها او عاصر ناس عاصروها


الا ان مجالسهم ما فيها غير ذكر الله والسوالف الزينه اللي كلنا نستفيد منها


مثل حق الجيرة والامانه والعفه ويستشهدون بقصايد تركي بن حميد


وشرواه من اهل العقل الراجح


لأن هؤلاء الرجال قولهم وفعلهم كله حكم



وآسف على الاطاله وشكرا لكم

[أبن مكرز]

مرحبا يالعريف ركن مره اخرى


وانت جبت اسم ارجال الي روالك السالفه وذكرت انه

نايف ابن مطلق البراق الثبيتي وانا ما اعرف الرجال

واحيلك على من يعرفه

وبيض الله وجهك على الكلام الطيب

وسوالف يالعريف ركن يختلف عليها الكثير وكلن له روايه

ولكن انا من ربع الامير تركي ابن حميد الادنين

والذي نقلته ما رواه لي ابائنا عن ابائهم وهم حاضرين

صواب تركي ابن حميد

وقولك كيف جاه الملعبي ومحش جمجمة تركي

ابن حميد وهي ليست في ديار عتيبه

اقولك زي ماجاها الحربي وحلب فيها

واكرر شكري لك على كلامك الطيب

[عريف ركن]

بيض الله وجهك يابن مكرز


وكل ما بعد الموضوع عن العصبية كل ما كان انفع


وانا لو لاحظت ما تطرقت لمقتل الامير تركي


استفساري عن اللي كسر سنونه بعد موته


وانت قلت اللي عندك وما قصرت



والله ياخوك اني افرح لاشفت مثل هالمواضيع على حساسيتها تناقش


باسلوب راقي وحضاري وبالادلة مثل نقاشك لي انت والاخوان


مع ان بعض الاخوان ردودهم تحمل آراء غير رأيك الا ان الاسلوب الراقي


سمة مشتركة عند الجميع وخصوصا في هالموضوع




وفي النهاية اقول لك لاهنت لا انت ولا ربعك


وحنا طال عمرك باخصينكم زين وباخصين شيوخكم زين


ونعرف طيب عتيبة اكثر من غيرنا بحكم اختلاطنا وقرب ديارنا


والحين ربطتنا اكثر من قبل رابطة النسب مع انها موجودة من زمان


وانا انشاء الله ابحاول انقلكم بعض المواضيع اللي تخص عتيبة وتبين معدنها الطيب


مع ان طيبها ما يجهله احد




شاكر ومقدر لك مرة اخرى ردك الجميل

[الأمــير]

اشكرك على هذا الموضوع الجميل


وشكـــــــــرا لك0000



اخـــــوك


ذيــب الحنابــج