عتيبة ومجلس الامة والتحالفات أرجو التثبيت..!

[عتيبي صريح جدا]

جاوبني على سؤالي ولا تتهرب منه؟؟
شنو راح يكون موقف سعدون ووليد وحمود في حقول الشمال بعد وصولهم لمجلس الامه؟؟
حنا نبي نواب مع الشعب نبي نواب احرا مو بصامين مع احترامي للجميع
وبعدين مو الاعضاء او النواب اللي يرزون عتيبه
عتيبه ياعزيزي اكبر من هالكلام اللي تقوله
نبي نواب اولا للكويت واخيرا للكويت
خل عنك العصبيه الزايده,,
ابيك تقولي شنو موقف اعضائك من:
1-قانون تحديد النسل وبقاء علاوات الافراد على خمس اطفال
2-قانون تجريم الانتخابات الفرعيه
3-المواقف من الاستجوابات وطروح الثقه
4-قانون المتقاعدين بالمداوله الاولي مو المداوله الثانيه
5-قانون تعديل الدوائر الاخير
تقدر ترجع لمضابط مجلس الامه وتتاكد من مواقف اعضائك اللي تدافع عنهم
لا والمجلس الجاي فيه اخطر واهم القوانين وخصوصا
1-قانون تقليص الدوائر
2-قانون حقول الشمال
3-قانون الخصخصه
هذه قوانين مهمه لك ولي ولكافه الكويتيين
وسوالي لك ياراعي البرصا انت وقحص
هل تبون نائب يوافق على هالقوانين من اجل ان يرجع جنسيه او ينقل واحد او يوظف او يوقع كتب علاج او او او الخ
او تبون نائب له وقفه مع التاريخ اولا ومع الشعب
هل تتوقع ان حمود ووليد وسعدون راح يرفضون هالقوانين او يكونون مع الحكومه ضدك وضدي وضد الشعب عشان مصالح معروفه
وانا بانتضار اجاباتكم الكريمه
واخيرا اقولك ان الحوار فن واسلوب ولازم تتحلى بروح اليمقراطيه
اتمنى انك تجاوبني على اسئلتي عشان اعرف بس طريقه تفكيرك
وشكرا لكم
اخوكم عتيبي صريح جدا
النفيعي