حبست الدمع في وسط المحاجر لحظة التوديع .......!!!!!!

[خلف بن مرزوق]

	حبست الدمع في وسط المحاجر لحظة التوديع=ما بيك تشوف فارسك المخضرم سايلن دمعـه ابيك تشوفني واقف عزيز وعاصياً مـا اطيـع=اكابر والمصايب والظروف السـود مجتمعـه ليا أنهار الكبير تصير صدمه والصغير يضيع=وانا خفت انهياري لا يزيـد الفاجعـه فجعـه ولا ودي هزايمنـا الكبيـرة تنتشـر وتشيـع=يصير الشق من بعد الشمات اكبر من الرقعـه عسى منظر صمودي صورة تبقى معك تشجيع=تعينك فـي غيابـك تنثـر الآمـال للرجعـه جمالك كان في يوم الـوداع منوعـاً تنويـع=مصيبه مع مصيبه جمّعت بقعه علـى صقعـه قدرت أضبط شعوري والحشا متقطعاً تقطيـع=وبعد قفيت هل الدمع صافـي وانفجـر نبعـه ولو رديت طرفك قبل ما تقطع هـذاك الريـع=تشوف اللي شلح جيبه وناح وصابتـه رمعـه سترت العين ماحدن شافها في ساعه التدميـع=ليا ضاع الهوى ياصاحبي ما ضاعت السمعـه ترى السمعه زجاج اليا انخدش ما ينفع التلميع=واذا طاح الزجاج يصير فالرقـه ميـة قطعـه الا يا وجد حالي وجد ضامي فالخـلا ومجيـع=على راسه لهيب الشمـس لافيـه ولا قبعـه على اللي من بلاده طالبينـه مـا ورد للبيـع=مصمم للدروب القاسيـه والبعـد والسرعـه دوا اللي عذبه بعد الحبيـب ولوعـه تلويـع=وكبده من بعد فرقا لطيـف الـروح منقطعـه صنع فالمانيا والمانيا هـي دولـه التصنيـع=علامتهم على الطاره وفي خشمـه وفالشمعـه ولا حطوا يديهم فيه ربـع الغـش والتجميـع=مقفل عن تلاعبهـم وفـوق محركـه طبعـه يجي بمواصفات مطوره عن مركـز التوزيـع=ومن لونه نهار وليل عين النـاس منخدعـه ابلحق نور عيني قبٍل ما يقطـع ديـار سبيـع=ليا منه تعدى ياعرب مـا عـاد لـي طمعـه بعد هاك الدير مدري لو انه راح مـع تفريـع=يروح مع الدروب اللي عن الأنظـار منقلعـه وانا عندي علوم لخط سيره ما لهـا تسنيـع=ولا ادري هو يبا الحضران وألا زابنـاً ربعـه ترك لي صورته بعد الرحيل وفوقهـا توقيـع=وجرحن يعجز الطب الحديث يبت في وضعـه

الله عليك ياااااااشيخ

هكذا الشعر ولا بلااااش


صح السااااااانك يالعضياني ملااااااايين


اسجل اعجابي

وتقبل مروري المتواضع


احترااااااااااااامي



اخوك..

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn