الفارس مطلق الجرباء اكبر من ان يعرف ..ولكننا الآن نتكلم عن الشاعر الذي يتقطع قلبه اسى بعد ان اصييبة فرسه العزيزه على قلبه بالعملا..فكف بصرها..وبذل مطلق كل مايملك من جهد ومال من اجل علاج عينيها ولكن ذهبت جهوده ادراج الرياح ولم تشف عيني الحبيبه
ولم يبق امام مطلق وحبوبته سوى الاشعار الرائعه يتنادمان بها..
بدأت الفرس بأشعال فتيلة الشعر والألم منادية اياه بلقبيه(زقم/العيط) قائلة له:
قم (يازقم... يالعيط )دوّر دوانا = يم(الاغوات)اللي تداوي عمانا
ياليت ربي بالعمى مابتـــــلانا = ليت العمى بعيون خطو الدروحي
يا(العيط) لاتنسى الفعــول القديمه = ليا جن طفحن مع خطاة الخريـمـــه
اكفيكهن.. واحــــوز كــل الــغنـيمه = .يوم(السّطر ) بدماغ راسك يفوحي
تنساني يوم اكسر شليلي من الذيل = مثل الشغايا لاتلاقن مع السيل
ياما حديت الخيل بالجري والحيل = .للجرف هو ويا الخباره جموحي
ثم يجيبها فارسها قائلا:
ياسابقي فعلك فلاني بناسيه = وجميلك اللي فات ماني بناسيه
لو العمى يذكر طبيبٍ يداويه = لو هو بعيد ولا تطوله شبوحي
لو حال من دونه بحورٍ طوامي = او حال دونه موحشات المضامي
لو بالمثل مالي جنودٍ تحامي = ابذل لك المجهود واهديك روحي
اول بريري لك حليبٍ وقرصان = والبر الاحمر مرتعك جوف حوشان
باغي اليا من صار روغات الاذهان = كم ابلجٍ يالكون مني يروحي
ماقطّ ضرّيتك على الطهر والعيد = الا بنهار فيه خز المفاريد
وانا عليك انطح وجيه الاجاويد = وانيابهم من غير ضحكٍ كلوحي
فترد عليه الفرس:
يالـ(العيط) انا ماني على ذا صبوره = عقب الطرب والكيف صرت محقوره
قعدت انا بين الحرم والبزوره = متروكةٍ يتنى غبوقي صبوحي
فيرد عليها فارسها:
ياسابقي والله فلاني بناسيك = ولو غزيت ورحت بالقلب اراعيك
حبك بقلبي مايبارح وطاريك = الله يجيرك عن كثير السموحي
لو الدواء يشرى لعينك شريناه = لو كان في غالي التثامين سقناه
غير ان لك عينٍ نظيره فقد ماه = ماينفع العطشان كثر السبوحي
سقت الذهب بدوا عيونك ولا فاد = ورحت يم الشام وبلاد الاكراد
واتعبنا الركايب بين صادر ووراد = .ذولا مراويحٍ وذولا مروحي
وتبدو الفرس قانعة بقضاء الله قائله:
يالعيط فعلك بينٍ ماكميته = روحي فداك وشوف عيني نعيته
مادبر الباري عليا رضيته = واللي جرى مكتوب في صفح لوحي
ثم يتذكر فارسها صولاته وهي معه فيتمنى:
الله على الشقراء ليا صاح صيّاح = وتناطحوا فوق السبايا بالارماح
كم واحدٍ مني على صابره طاح = عليه عذرا طول ليله تنوحي
الله على الشقرا ليا قوطرني = وشالوا عليهن بالوغى كل فني
وانا على التالي جوادي تثني = لاذل عشيق البني المزوحي
الله على الشقراء الصهاة الصنيعه = لاحل بين اللابتين القطيعه
الله من نفسٍ عليها فجيعه = وراع التمني مثل زرع السطوحي
ثم تنهي الفرس العمياء هذا الشعر :
يالـ(العيط) فوهاتك من الشرق للشام = وصلت محاكيها مجالس بني لام
كم مرةٍ طير السماء فوقنا حام = والي السماء يفك روحك وروحي
« آخـــر الـــمـــشـــاركــــات »
05-Mar-2006, 12:52 AM
الله على الشقراء الصهاة الصنيعه (( قصه رائعه ))
العرض العادي
