سلام الله عليكم ياعتيبه جاكم الطوفان

[شاعر روق]

هذا هرج السعه والاّ ليا جا للوغا دخان=تولّ الزحف ياطوفان والجافل تسابقها
تقوله وانت مابان الك فعل ولا حصل لك شان=نطلق حرمتك وانته تلوى في بخانقها

[الطوفان]

ليــا قلنا فعلنــا عندنـا الحجه مع البرهان
واشوف اقزام خلق الله تشره في عمالقها


الامقشر بيوت الزنك ماتثبت على سيسان
اليا هبت عليها العاصفه طارت صنادقــها

[شاعر روق]

حججكم باطله ياصحابنا من غابر الازمان=تزورها لكن من كبرها ماانته بناطقها
ترى الجابه بجابه وانت جا في جابتك نقصان=كفينا قربتك وازريت بيدينك تحوّقها

[الطوفان]

حججنا ثابته سيسانها أثبت من جبل ورقان
لكنــك لا تـهل بعبرة في الصــدر خانقـــها


قضينا منكم اللازم ونصفقها على العجمان
ندور غيركم عربـان نطبـخها ونســــلقها

[شاعر روق]

ورى ماابديتها للناس لين تبين للاعيان=تدس الراس واللحيه عن العربان تدرقها
ياطوفان انشد اوبيّك وقله وان جدي وان=تراها امسى ضحيه للنشاما من بنادقها

[الطوفان]

فعايلنا لها تاريخ بالصفحه وبالعنوان
توثــقها رجال ثــقات ورجال تدققــها


وانا جدي تعشا القوم لاواحد ولا أثنان
وذلحينه تعيش أبخير واحلامك تحققها

[مرزوق حمدان العتيبي]

..
الطوفان وشاعر روق

لاهنتم على هالمحاوره الرائعه .
..
اكرر شكري واعتزازي فيك ياشاعر روق ..|194|

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD