ألفاظ تشتهر عند العتبان"شارك معنا"

[العسيلي @]

ياشباب الفاظ العتبان معروفه بس بعض الشباب تأثرو ببعض اللهجات الدخيله علينا
في كلمات ليست لعتيبه منه على سبيل المثال :
في الترحيب العتبان ما يقولون ... ارحب هذي خاصه في قبايل ثانيه ..
وبنسبه لكلمه (( عوال )) المقصود عيال يعني هذي اللفضه ليست لعتيبه وهي معروفه لقحطان عوال الشايب
وبنسبه عتيبه تستخدم في الاشاره لشخص كلمه (( هذا )) وقبايل ثانيه تقول (( ذا )) مثل هذا الجبل .. وذا الجبل

كلمات كثير ه عموما
والاحظ بعض الشباب هنا في المنتدى يستخدمها رغم عدم عتيبية الكلمه

تحياتي

[أسير الوقت]

انتم عالم تههههههاويل

[رائد العتيبي]

ابك

عانة

تعال جاي

انت توحي

الخلا


مير

صراحة افضل لهجة بعالم لهجتنا لهجة عتيبة


حتي فية ناس غير عتبان صار يقولة موضة ههههههه

[خالد اوصاهب]

الموضوع شيق وجميل الى ابعد الحدود

والاخوان كلهم ماقصروا ...... ولا خلوا لنا شي لكن نبا نجيب شي جديد


وفعلا لهجتنا اخشى ضياعها وتسربها



اهزع = لف .. او غير مسارك
انجغف = تقال عندما يميل الشي
القدح= الاناء .. والماعون
الرقه = الارض
يجلغفه = يطرده بشده
الدنسه= الخشم
البربور= كثير السوالف
يفسفس= يسولف سوالف رخوم
الدوادي = السوالف اللي بلا فايده
الثرامت= السوالف اللي بلا فايده
ما صاخ= ما ادري عنه ( بعنف ) ...... ماقلعته
مالا برك=ما ادري عنه ( بعنف ) ...... ماقلعته
وش صقعه= وش بلاه
الدنفوس(الارفل) =الشخص الذي لايتقن اي عمل
الزنخ(العفن) = الشخص المروح
الدبع= الوسخ
ضليت = كنت
يجغر = يبكي بشده
يثغي = يصيح بتألم
يدقس= تطلق على مشي الرخمه
يهبع = المشي الذي فيه اهتزاز للاسفل
ينزي = المشي الذي فيه اهتزاز للاعلى
المخنز = العفن المروح
الترنبيل = السياره
المبدول = المهبول
المرهون = كثير السرعه بالهبال
الضلع = الجبل
العاديه = الرجل الصتيمه
مناحر = مقابل
مذر شمس = مطلع شمس (شرق)
تبربس =ضاعت علومه



والكثير من الكلمات لاتحضرني الان ..... لانني انطقها عفويه من دون تصنع

[سحيبان]

كلمات عند القحاطين يمكن تكون بعضها موجوده عندكم يالعتبان

أفلح : أذهب ، ساخر من توي: وخر من طريقي ، ايش قومك : ماذا بك، سر في ساقتي: أمش وراي، أن افدى خشمك: ترجي لشخص ما، نما : ولد ، غمر : صغير ، أحدر وأسند ، انزل واطلع ، عانه : شوفه ، أشبح : شوف، ينعى وجهي يناه : حسره، يازل حظي زلاه : قلة الحظ ،الكتره : النافذه ، ذب الريع : طلع الجبل ، ماجور : تحيه وسلام وسؤال وجور للضيف ، الحوي : الحوش ، الكمانه: الشنطه ، ولعون: تحيه يقصد بها المعونه ، الكوفيه : الطاقيه ، الدسمال : الغتره في جال : بقرب ،الضو : النار هناك كلمات كثيره ولاتحظرني وقد تكون مشتركه بحكم قرب القبائل من بعض ومن قرأتي لبعض كلماتكم السابقه وجدت الكثير منها تستخدم لدى قبائل قحطان

[حاير النظرة]

عينت فلآن .....يعني شفت فلان .

عام الاول .....يعني موعد غير محدد يمكن قبل سنه سنتين اربع سنين عشرين سنه ..خخخخخخخ

اولت امس .....ايضا موعد غير محدد يمكن قبل يوم او اسبوع او شهر ...خخخخخخخ

.................................................. ......................

واتضح ان عتيبه ومطير لهجتهم وحده ماتختلف
كل المصطلحات وحده ........

تحياتي

[العسيلي @]

ياخوي القحطاني سحيبان هلابك
بس ياخوك انت لخبطة الموضوع هو عن الفاظ عند العتبان وانت جبت الفاظ عند قحطان (( ايش قومك )) (( انا افدى خشمك ياسعيد ))
لا يمكن ان يقولها عتيبي هذه الفاظكم وانت خربطت الموضوع افتح صفحه في العام واكتب الفاظ قحطـان

[النايع]

أنا أوافق الأخ العسيلي فيما يقول. هناك لهجات بعيدة عن لهجة عتيبة

وفيه كلمة

أقاع انه

هذه كلمة قيسية أصيلة لا تزال تستخدمها قبيلتنا. وهي تعني أظنه أو قريب من هذا المعنى.

[ابن الفهود]

قعس # نوع من النمل حوية# الماعز عتابة # عتيبة مسخوط# خبل كراعين# الارجل

تيح# رجل مليء الجسم عفازة# نملة العلبا# مؤخرة الرقبة الصدغ#احد اطراف الوجة الهريد#ابن الغنم الطفيل# ابن الغنم

[سعود المغيري]

هههههههههههههههههههه

ياغلي عنك غلاه
الرضم


وترجموا معناها؟؟

::::مودتي::::