صلى عليك الله

[عبد الله الطلحي الهذلي]

[align=center]اللهم صلي وسلم
على عبدك ورسولك
محمد

Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صلى عليك الله ياخير البشر=صلى عليك الله رب العالمين
صلى عليك الله عدد مبدا القمر=والشمس ونجوم السما في كل حين
صلى عليك الله عدد وبل المطر=من خلقة الدنيا على مر السنين
يالرحمة المهداه وافضل من صبر=في الله حتى يظهر الحق المبين
مامر ذكرك في الكتاب وفي الأثر=إلا وحنت لك قلوب الصالحين
كما يحن الورق للعود الخضر=قلوبنا لك كلها شوق وحنين
نفديك يانورٍ على الدنياظهر=بارواحنا واولادنا والوالدين
ونقول للي صوروا ذيك الصور=الله بالمرصاد للمستهزئين
أهلك ثمود وعاد في لمح البصر=وفرعون الأول قدوة المستكبرين
في الغابرين اخبار ودروس وعبر=ما يستفيد من العبر غير الفطين
لكنكم صايبكم جنون البقر=ياللي خرقتوا كل عرف وكل دين
منا عليكم دق ناقوس الخطر=يامن تطاولتم على الهادي الأمين
الله يبشرنا عليكم بالنصر=اللي نصر عبده في بدر وفي حنين
ويرد كيد الكل منكم في النحر=حتى تشوفون العواقب شوف عين
حنا وقفنا صف في وجه الكفر=شوفوا نتيجة حقدكم يالحاقدين
هذا إجتماع الشمل في كل الدير=هذا إتحاد الرأي بين المسلمين
هذا هو المليار واكثر ينتظر=نصرٍ من الله ناصر المستضعفين
وهذي بضاعتكم بعد جانا الخبر=ردت إليكم والجميع مقاطعين
مادام بيّتّم لنا نية غدر=وابديتم الفايض من الحقد الدفين
ماعاد نقبل لاسلام ولاعذر=حتى تصبحكم خيول الفاتحين
يومٍ يضيق البر منا والبحر=ننصر رسول الله ختام المرسلين
صلى عليك الله ياخير البشر=وصلى ملائكته وصلى المسلمين