قصيدة رثــــــــــــاء

[وليد الزراقي]

المشاركة الأصلية كتبت بواسطة قحص

صح السانك
والسان الشاعر فلاح مرشد الزراقي

اسمحلنا نبا ننسق القصيدة

ياعبيد شب النار زال اول الليل=اجمع حطب نارك وولع سناها
وحكم لنا طبخه من البن والهيل =ونت اتعرف ياعبيد مقدار ماها
بن اليمن ماهوب بن البرازيل=الطبخة الي غالي مشتراها
وكتب بيوتٍ جت جموع وزرافيل=جادتبها نفس ٍ تبين خفاها
ماهو غزل فم الرموش المظاليل=والشعر ماني قايله في هواها
إكتب من ألي هاض جمله وتفصيل=ذكرت صفحات زماني طواها
وآبوك ياوقت العنا والغرابيل=سنين بقعا فيك تدرج رحاها
على العباد تمر وتحط وتشيل=والله مسيرها وعالم مداها
مما حصل في القلب هم وولاويل=وجروح جوف القلب يصعب دواها
مرحوم ياعز الضعوف المقاليل=يلي نهار الجوع تملا يداها
أبو ذياب موفي المد الكيل=ياكم أخذها بالمين وعطاها
وقت العناد يذلل الصعب تذليل=ويوصل الحجه ليا منمتهاها
ذرا لربعه في نهار التهاويل =يقضي لوازمها ويدمح خطاها
من جاه لقاله معزه وتكميل=والناس مايغتابها في قفاها
في مجلسه بنبذ كثير الاقاويل=بنبذ علوم الحكي ولي حكاها
يخيره في الامر من دون تطويل=أمرين والله خيره في حداها
إما سكت عن هرجة القال والقيل=ولى يقوم وهرجته ما ثناها
رسم لنا المنهاج جيل بعد جيل=ونعتز بالخطه ونمشي معاها
نسل الشيوخ الي على ضمر الخيل=يوم السنين الاولات وبلاها
قبره وهو ميت يساوي رياجيل=يسوى رجالٍ شايباتٍ لحاها
وياعم قدامك رجالٍ حلاحيل=ذوي عبيد ألي يذرا ذراها
سلم عليهم كلهم بالتفاصيل=سلامنا ياعم وده لياها
سفر ولد هوصان طب المعاليل=ألي يلحفها مايكشف غطاها
وعبدالله ألي في القسى يذبح الحيل=دايم عيون إعداه تلقى ملاها
وعياد إبن سالم نزيه الافاعيل=نفسه عن الزله بفعله حماها
وبدر ولفا ألي توصل الحبل توصيل=عز الرفيق وعز منهو نصاها
ومنيع أبو سعدون يصل المواصيل=حميته مع ربعه مانساها
ومناع مايبغى عن الحق تبديل=ربعه يجمعها ما يشقر عصاها
وتلقى رشاد مبتل العلم تبتيل=كم كيتٍ في قلب خصمه كواها
وحنا نجيكم في الليال المقابيل=والله يعلم سرعها من بطاها
وعسى ثراكم بالمزون الهماليل=وذيك المقابر مايغايب حياها
دايم تغشاها السحاب الهماليل=صبح ومسى والخير يمطر علاها
ويالله يامرسل بالايات جبريل=على محمد لين جات وقراها
تجعل لهم في جنة الخلد تنزيل=ونفوسنا يالله تجبر عزاها
وصلوا على ألي رتل الذكر ترتيل=عد النجوم الي بدت في سماها

مشكور على التنسيق
وصح السانك
تحياتي