هدية من الشمري خاصة لقبيلة عتيبة

[التلعة]

هذة الابيات للشاعر/ محمد بن عتيق الخشرم الرمالي الشمري رد على الشاعر طراد بن فايح بن نشار الدلبحي العتيبي,

شكرا وصح لسان قرم الاواليد = الدلبحي عساه تسلم يمينه
وباللي يقول طراد نعتز ونشيد = وبجهودة اللي كلنا شاكرينه
العيلم اللي من كبار القواصيد = تهتال من قوة بيوته وزينه
الشاعر اللي مابشعره مناقيد = الفاهم اللي معدنة فاهمينه
متسلسل من روس قوم صناديد = قوم لياجاه المعادي تهينه
عتيبه من الجيران سم الاضاديد = اسود نجد اللي منيع عرينه
بالحرب شرسين وبالسلم اجاويد = وكل على الطولات يوصي جنينه
اهل السلوم الراقيه والتقاليد = والطيب من جدانهم وارثينه
عتيبه صعاب الروس قطاعة البيد = اهل السجايا الوافيه والامينه
وياطبقوا خلف الضعن بالبواريد = كم فارس عن سابقه جادعينه
ولياقنصوا صيداتهم قايد الصيد = صادوه لو هو بالقلاع الحصينه
وفي خالص التوحيد لهم مجاويد = ولهم بدين احمد علاقه متينه
وببيوتهم تاكل على كيف ماتريد = وكل يقلط ماتحوشه يدينه
وليا وعدوا مايخلفون المواعيد = يوفون باليمعاد زينه وشينه
وافعالكم ياطراد ماتبي تنشيد = افعالكم كل العرب عارفينه
لكم بهامة المعالي مصاعيد = من قبل يركب نوح على السفينه
ولطراد اكرر وافر الشكر وازيد = شكر جزيل عد ماضي سنينه
اللي تفاعل مع فرحنا بتمجيد = ثم تعامل مع فرحنا بحينه
وصفت بن عروج خبير بالصيد = ووصفت بنت الخشرمي بالثمينه
ولك منهم الاثنين شكر بتخليد = يالوافي الصافي نظيف الضغينه
يالدلبحي نشكرك عود وتراديد = باسم دريعان واللي له قرينه
وباسم علمنا الشيخ عيد وابو عيد = تحيه وشكر لكم مهديينه
وباسم ابن خشرم خص نص بتحديد = وباسما اهالي ديره ساكنينه
نزف للروقي سلام وتحميد = وشكر وعرفان لكم مرسلينه
يالحاضر اللي شامخ كنك الحيد = طراد بن فايح محتمي زابنينه
الله يحفظه من عيون المقاريد = ويستر عليه من النفوس اللعينه
اما بخصوص اللي من النير تسنيد = نرويه شذرات السيوف السنينه
اللابت اللي باللزم تقطع القيد = وعدوها تبحث خفاه وكنينه
اهل الخضر واهل الظفر كيدهم كيد = واهل يقين ومن قضاعه يقينه
وماغير هذا يلخو مااقدر افيد = ولا لي يابو فايح بجينه وسينه
وصلاة ربي عد وبل الرواعيد = على الرسول اللي سكن بالمدينه

[فتى وادي الرشا]

صح السانك يالشمري
ونعم بقبيلة شمر(الطنايا)
ومشكورعلى هذي القصيده الرائعه

[((الدلبحي))]

اولا ياهلا وغلا فيك وشرفتنا

ثانيا صح السانك والسان صاحب القصيده

ونعم في شمر ونعم في طراد الدلبحي

نقلت الى القسم المخصص

تحياااااااااااااااااااااااااااااتي

[مرزوق حمدان العتيبي]

...
.

صح لسان الشمري
ويستاااااهل المدح الدلبحي
وشمر هل الطيب ماعليهم زود ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابن مشيب]

عتيبه من الجيران سـم الاضاديـد=اسود نجـد اللـي منيـع عرينـه
بالحرب شرسين وبالسلـم اجاويـد=وكل على الطولات يوصي جنينـه
اهـل السلـوم الراقيـه والتقاليـد=والطيـب مـن جدانهـم وارثينـه
عتيبه صعاب الروس قطاعة البيـد=اهـل السجايـا الوافيـه والامينـه
وياطبقوا خلف الضعـن بالبواريـد=كم فارس عـن سابقـه جادعينـه
ولياقنصوا صيداتهم قايـد الصيـد=صادوه لو هو بالقـلاع الحصينـه
وفي خالص التوحيد لهـم مجاويـد=ولهم بدين احمـد علاقـه متينـه
وببيوتهم تاكل على كيـف ماتريـد=وكـل يقلـط ماتحوشـه يديـنـه
وليا وعدوا مايخلفـون المواعيـد=يوفـون باليمعـاد زينـه وشينـه

صح السان الشاعر محمد بن عتيق الرمالي الشمري , ونعم بشمر ( كبار الصحون ,,, وساع الطعون )


لاهنت يالتلعة على هذه الرائعة والجزلة



تقبل تحياتي