اول مشاركات عبدالعزيز

[ابن جدعــان]

يا عبد العزيز

تأمر امر.

سر ياقلم والشعـر هاجـت بحـوره=هاجت بحـوره بيـن اوره وأغـي
واكتب لبنـت [ن] بالوصايـف هـذوره=من قولهـا يغلـي براسـي دماغـي
يابنت انا من ديـرة اخـوان نـوره=وشعارنـا يابنـت لبـس الشماغـي
مانـي بخكـري [ن] خطـاه معثـوره=وان جا نهار الهوش عـود يثاغـي
ساسـه ردي مافيـه نفـس غيـوره=دلبوج ما بيـن النشـامـا ينـاغـي
كنـه بنيـه يعتنـي فـي شـعـوره=وجهه غشاه مـن الملامـه مراغـي
وانا من اللي يعجبك فـي حضـوره=شخص[ن] نهار الهوش للمـوت باغـي
انـا عتيبـي[ن] ونفـسـي جـسـوره=اطا علـى روس العـدا والطواغـي
واعرف سلوم المرجلـه والمجـوره=ولانـي بمتمـرد ولانـي بطاغـي
وانتـي بنفسـك فالحيـاه مغـروره=بنـت[ن] تحبيـن الهـذر والمـلاغـي
كنـك بلبسـك يافتـاه معـصـوره=وضاعت ملامح وجهك امن الصباغي
تمشين وسط السـوق دايـم سفـوره=وتملين عين اللي عليـك امتصاغـي
ولسوق انـا ماجيـت ابـدور دوره=ولاني بمتفـرغ وابقضـي فراغـي
ولولا لزومـي فيـه ماجيـت ازوره=وابلغـك وانتـي فهمتـي بـلاغـي
ترى كلامي واضـح [ن] فـي سطـوره=وانتي كلامك غيـر مقبـول لاغـي
وهذا مقـال الصـدق نـور بنـوره=ثم صاغه اللـي لتماثيـل صاغـي
والشعر هاجت وسط جوفي بحـوره=وحصرتهـا مابيـن اوره وأغــي