احدى معلقات رشيد الزلامي !!!!!!

[ابـن نـعـيـس]

بسم الله الرحمن الرحيم

السلام عليكم ورحمة الله وبركاته

الشاعرالكبير:رشيد الزلامي

ألا يالله اني طالبن طاعتك ورضـاك=وعلمٍ لياذكرو هـل الخيـر نذكربـه
أنا في رجا عطفك وانا ملتجي لحماك=تفرج هموم القلـب يافـارج الكربـه
ليا ذعذع الغربي وحرك غصون الراك=وناح الحمام وعالي الصوت يجهربـه
تنهت مثل المضرم اللي لقـا التمبـاك=تنهت صويبٍ مونسٍ لكـزة الحربـه
أجاوب حمام الورق يالايمـي عسـاك=يحدك زمانك يم مـن لا تبـي قربـه
ذليل ليا جيته خجـول تعـد خطـاك=تلزا وقلبـك واهـج النـار يسعربـه
ألا ياحمام الـورق هيضتنـي بغنـاك=مع الهم والغربـال والبعـد والغربـه
ألا ياحمام الورق ماشفـت ولا جـاك=ترى ينفـع المهمـوم علـمٍ يبشربـه
عن الدار واهل الدار والسر مايخفـاك=غريبٍ تحداه الزمـان وقلـع سربـه
منول يجوز العذر للي يـروح هنـاك=وانا اليوم مالي عذر ويـش اتعذربـه
مسكها حكيم الراي وان دارت الأفلاك=وقاد السفينه واشرق النور مع دربـه

وسلامتكم

التوقيع

[عجاج الليل]

اخوي ابن نعيس رائع دائم كما عهدناك . تحياتي لك .

[فهيد مقعد الرويس]

تسلم يمينك يابن نعيس

على حسن الاختيار

وصح السان ابو جميل

تحياتي

[فيصل المسعودي]

صح لسان ابو جميل


وتشكر على نقلها يالغالي


ابو جميل الجزاله كلها عنده


تحياتي

[((الدلبحي))]

صح السانك والسان ابوجميل

تحياااااااااااااااااااااااااتي

[ابـن نـعـيـس]

عجاج الليل

حظووورك الاروع


تحيااااااااااااااااااتي

[ابـن نـعـيـس]

المبتدي

الله يسلمك من كل شر


مشكووووور على مروووورك الكريم


تحياااااااااااااااااااااااااااااااتي

[ابـن نـعـيـس]

فيصل المسعودي

الله يسلمك من كل شر


مشكووووور على مروووورك الكريم


تحياااااااااااااااااااااااااااااااتي

[ابـن نـعـيـس]

الدلبحي

صح بدنك

مشكووووور على تواصلك الدائم


تحياااااااااااااااااااااااااااااااتي