اعزائي منسوبي هذا الصرح العملاق وعشاق الشعر النبطي
السلام عليكم ورحمة الله وبركاته يسعدني أن اقدم لكم أخر روائع الشاعر الكبير سعد بن جدلان
في جبل خشيم الذيب أحد معالم مملكتنا الحبيبة ومناظرها الطبيعية الخلابة الذي يقع في بلدة الجنينه
الذي جاوره شاعرنا الكبير و لمس معاناته وأنينه الخفي الذي لا يحس فيه إلا كل مبدع مثل بن جدلان 00
ونترككم مع رائعة بن جدلان التي تتحدث عن نفسها ، ولكم تحياتي
نفوسنا في خشيم الذيـب مجبـوره=والله نحـبـه محبتـنـا إلهـيـه
ومحاسنك ياخشيم الذيب مدثـوره=بين عليـك الشقاعقـب الرفاهيـه
أنا احسب أن الشقامايخلف الصوره=لين أضمحلت ملامحـك الطبيعيـه
قنبه الذيب ليـن أنشـق حنجـوره=ثم حول الذيب منه وشرف أوخيـه
حتى فروعه وشعبانـه وشجـوره=ماعاد تعرف حيوده مـن قواطيـه
يوم إن محاجيه فيها تمرح سبـوره=وشعابته من لباس العـز مكسيـه
في ظل طلح يرسن كل مذعـوره=وعلى حجاه الثميـدي والفرنجيـه
متبوشن مـن عواجيـه ومنفـوره=حكامنـا قـدم حكـام السعوديـه
حراس نجد الحديري عند أخو نوره=ونمرالسباياتقلطـهـا العواجـيـه
إخوان هيا ذرامن قـاد مظهـوره=من أم ريشان إلى عـرق المنينيـه
وراعي الجنينه عليها بانين سـوره=مذبح التـرك وشيـوخ الهلاليـه
شيخ تشيع رباط الخيل بقصـوره=متروشنِ بالمجـوخ فـوق عليـه
في حكمه الناس منهيـه ومامـوره=حق الجنينه عليه حقـوق شرعيـه
واليوم سالم ولد حامد لعـب دوره=عز الله ا إنه جمع هذيك مـع ذيـه
على جميع المراجل طالت شبـوره=هيبه ولينـة جنـاب وقوشخصيـه
إن كان قصر رفيقه سامح قصوره=وان طاب قال الجماعه طيبهم ليـه
عزالله إنه عليه البيـض منشـوره=يستاهل البيض كل مجـرب زيّـه
و اليوم الأوطان و الرعيان مكبوره=أهل الرعايا كفاهم راعـي رعيـه
ولاهي من ربعي الظفران مقصورة=سقم الأعـادي مزبنـة الجلاويـه
كسابت النعم لا جا للدخـن ثـوره=ورث لجدانهم مـا هيـب عاريـه
يفرح بها الشول لا ما لج مضهوره=وترعا الهمل في حماهم تقل مرعيه
وسلامتكم
« آخـــر الـــمـــشـــاركــــات »
16-Dec-2005, 02:25 PM
ابن جدلان وخشيم الذيب
العرض العادي
