وين نواف نايف

[صامل العصيمي]

ياسلامي على من حضر يمنا . والتحية تُعطّر بريح البخور = في حلالٍ مشرّعت بيبانها . في حلالٍ مشرّعت بيبانها
وين نواف نايف ولد عمنا . قدمه اليوم ياناس عشرة بحور = ليته اليوم يحتاش مرجانها . ليته اليوم يحتاش مرجانها

آخر تعديل صامل العصيمي يوم 22-May-2013 في 08:38 PM.

[نواف نايف العتيبي]

مرحبا مرحبا والوفا ضمنا--والتراحيب تشمل جميع الحضور------ريحة العود والمسك عنوانها--ريحة العود والمسك عنوانها
لو نشوف البحر هاج ما همنا--عندنا يابن عاصم بطاقة عبور-------- والجواهر معي عانها عانها--والجواهر معي عانها عانها

[صامل العصيمي]

الله الله

استلم :

البقى لك وياصلك من يمّنا . ياقوي الفعايل طويل الشبور = ورث ربعك من عصور جدانها . ورث ربعك من عصور جدانها
لون دمك مايشبه ترى دمنا . كيف تعبر وأمامك معسكر مرور = احضِر الرخصة وجيب برهانها . احضِر الرخصة وجيب برهانها

آخر تعديل صامل العصيمي يوم 22-May-2013 في 10:49 PM.

[نواف نايف العتيبي]

لأفتخر شخص عد الفخر عمنا--من زمان المعارك ووقت السبور------كل ديرة حضرنا بميدانها -- كل ديرة حضرنا بميدانها
لونوكم ولا ضر من ذمنا--من يعذرب ولي من ولاة الامور--------والعساكر تطيع امر عمانها--والعساكر تطيع امر عمانها

آخر تعديل نواف نايف العتيبي يوم 22-May-2013 في 11:31 PM.

[صامل العصيمي]

احمد الله صقر العرب لمّنا . وأنت توّك ماعديت تسعة شهور = الشجاعة تراها لجيرانها . الشجاعة تراها لجيرانها
لا تورد ي خيي على جمنا . مانت نسل الشريف أهل منصب وشور = البحور العميقة لحيتانها . البحور العميقة لحيتانها

آخر تعديل صامل العصيمي يوم 23-May-2013 في 12:54 AM.

[فهد بن جميل العتيبي]

هههههههههههههههه







الله الله





صح السانكم

[نواف نايف العتيبي]

ما فيك حيلة ياصامل مير جاك المسعود تماسك انت وياه وخلوني اشوف اختباراتي
واكتب بنفس الطريقة اللي كتبتبها البيتين الاوله لان ابياتك الاخيرة ما طلعت عندي على الايفون ولا على الكروم

لمكم . كارثة كان قلت أمنا--ياسنين ابرهه لا تلف وتدور-------ما تثبت على غير سيسانها--ماثبت على غير سيسانها
سمنا كان احد قال لك سمنا--لو شهادتك في كل الاحوال زور------والبحور حذفتكم بقيعانها --والبحور حذفتكم بقيعانها

[نواف نايف العتيبي]

شاب القاف يا صامل فكنا من شرك
وتراني في صف ابو وليد ضدك شد حيلك