أهل الصمايل

[عبداللطيف الفضلي]

بــادي(ن) باسم الولي منـشي المخايل = منــزل(ن) للشــرع مــافيــه اعوجاجي


من جحيم(ن) في وسط ذا القلب شايل = والــكـــدر يـانـاس عــكّـر لي مـــزاجـي


من مصـاب الشـام وكبــار الجــلايــل = ظُــلْــمــةٍ طـالـت ولاجــاهـا انــبــلاجـي


أصــدقـاهــا بـاحثــيــن(ن) للبــدايـــل = يــرســـلـون ســـلاح مـايــذبــح خــداجي


راحــوا اهـل المرجله واهل الصمايل = مــابــقا في ذا الــزمــن غــيــر النّـعاجي


ليــه ماتــزأر عــلى الجبــهـه قبــايـل = تـجـعـل اهــل الـكــفــر بالهـيــجا دجاجي


ليــه ما تــعمـل بـهــم كــل الوســايـل = ذبــحــهــم لقــلــوبــنــا خيــر العـــلاجي

يطلبــون المــوت من زود الهــوايــل = مــالــهــم غــيــر الـمــذلّــه والهــجــاجي

[ابو طارق الشمري]

صدقت ياعبداللطيف وصح لسانك ملاااايييين وبيض الله وجهك
وأسأل الله تعالى أن ينصر اخواننا بالشام على طاغيتهم السفاح.

[فيصل مطر]

صـح لسـانـكـ

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[عبداللطيف الفضلي]

حياك الله يابو طارق


صح بدنك يالغالي

[عبداللطيف الفضلي]

صح بدنك اخوي فيصل

لك مني اجمل تحية