أحد أبناء قبيلة عتيبه يحتاج لمساعدتكم يا أهل الخير

[طراد العصيمي]

المشاركة الأصلية كتبت بواسطة منبر اعلامي

اخوي الله يهديك . خص ولاتعم أما شيوخ الحجاز هذه كبيره انا اتبع لشيخ والله العظيم لو يأكل من

لحم عضوده مايروح لأمير أوتاجر يسحب في بشته مثل ماذكرت يشحذ . الله مغنيهم من عنده ولاهم

في حاجت احد والمحتاج من القبيله يجمعون له مايكفيه من المال ويبحثون له عن عمل عند تجار القبيله

وللمعلوميه شيوخنا مايدلون طريق الاماره

اخوي ثامر ماعم الشيوخ كلهم لذالك كلامك ماكان له داعي

لو عمم قلت أنا معك بكلامك بس الرجال قال بعض

وكلامه صحيح وكلنا عارفينه وماقال الا الصدق

مير ماودنا نبين كثير من الاشياء

[خالد سفر العتيبي]

يليت احد يعرفه ويخبر اصحاب رؤس الوال مثل المواط و السواط على الاقل يوضفونه عسكري ولا عندهم ويعطونه بويت يستر الحال

[خالد سفر العتيبي]

بيت بمتين الف مهي واجد عندهم

[ابو ضيف الله]

الله المستعان كان الله في عونه وعون كل محتاج
اتمنى ايصال خبر ابن عمنا إلى امراء وشيوخ القبيلة والموسرين
وباذن الله تتحسن احواله

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[بندر العصيمي]

الله يجزاكم خير على هذا التفاعل , لكن ياخوي عثمان الثبيتي حسب مو واضح لي ان الادمي من الفقراء الاعفاء وكان يحاول جاهدا القيام بمصاريفه بنفسه . لكن الصحفي هو اللي جاه وحاول يساعده وكتب حالته بالصحيفة..

لذلك لو تتصل على الصحفي راح يعطيك كل المعلومات عنه ويمكن تقدر تتواصل مع الشخص ذاته وتعرف من خامسه ,

انت عارف ياعثمان ان فيه من مشايخ الثبته واعيانهم من يملكون شركات وعقارات في مكه والطائف وجده بمئات الملايين يعني لو شغلوه معهم في عمل يحصل من وراه لقمة عيشه ماهي صعبه عليهم

والله مافيه الا اجر , والدال على الخير كفاعله

[منبر اعلامي]

بسم الله الرحمن الرحيم

اخوي ثامر رسالتك وصلتني والعلوم الغانمه ماهي غريبه عليك وعلى شرواك

وعندما ذكرت شيوخ المشالح اللذين يتسولون عند الامراء هذا الكلام صحيح ولا يختلف عليه اثنان

واحب اسدح معلومه بسيطه . وهو ان قبيله عن قبيله تفرق وشيخ عن شيخ يفرق . واضرب لك مثال

وهو تركنا للعادات القديمه اللتي تقول الشياخه ماتظهر من بيتها . لاحبيبي هذه ماعاد تمشي علينا

وعندما هرم الشيخ وكبر. جمع القبيله وقال لهم لقد تقدم بي السن واريد اتنازل عن الشيخه . طلبنا

منه عمل انتخابات تحت اشراف امارة مكه . وتم اختيار ثلاثه شيوخ لخوض الانتخابات من 29 شيخ

والشيخ الفائز بها جنينا منه ماكنا نتوقعه وهو نعم الرجل . اما شيوخ الثيته في الحجاز فهم رجال ونعم

وخيرهم وصل للبعيد مابالك بالقريب وانا متاكد انهم لم يكونوا يعلموا عن رفيقهم والا لأنهو معاناته

اكرر شكري لك اخوي ثامر وعسى المولى يحفظك

[فهد العازمي العتيبي]

يا أخوان وفقكم الله

أرجوا أن لا تخرجوا عن صلب الموضوع

والنقاش في المشيخه ليس في محله الآن

نسأل الله أن يفك ضائقة أخونا الثبيتي وييسر أمره.

[العتيبي السعدي الهوازني]

وينهم عنه ابك يالربع هذا اولا عن اهل الشام الاقربون اولى باالممعروف المفروض ينشرون عنه ويسوون حملات تبرعات له وكل عتيبه يتبرعون وكل الشعب السعودي لانه اقرب لنا كلنا من اهل الشام الله يعينهم وينصرهم وهذي الحقيقة

لازم ينشرونه ويسوون حساب لنودع له الفلوس ونتبرع

[العتيبي السعدي الهوازني]

وانا اقول ان كل عتيبه وشيوخ الثبته وشيوخ عتيبه كلهم والشعب السعودي بشكل عام مادرى عن حالة هالثبيتي المسكين واولهم انا فياليت لو الاعلام ينشر عنه ويسوي له حملة تبرع وشعبنا الحمدلله فيه خير بس من يجهتد ويسوي الحملة للتبرع

[خالد سفر العتيبي]

ونا مدري الشيوخ وش جاب طاريهم يربع بعض الكلام يشوه حتى لو كان مهو صح وهل الخير واجد بذن الله ميقصرون