سلام ياربعنا والليل غطلس فيه رعد وخيال = يرعد وفيه برديه من تقدم ياخذ حساباها

[سلطان الحافي]

الشمالي الغربي
يامرحبا والله شرفتنا يالغالي
ولك تحياتي

[علي فلاح العضياني]

ياللي تنعم نعم حالك ونعم(ن) بك على كل حال=هيا وحددلنا صفحه لها عنوان نقرابها
ان كان هدَي علومك يا العتيبي ساع طال الجدال=وان كان تبغى السبب بنت الهوى تضحك لخطابها

التوقيع

(( رأس الحكمه مخافة الله ))

[مرزوق حمدان العتيبي]

..
الحافي .... والفالح ..
صحت السنتكم ..
طاروق يشد المتابع والليل توّه بأوله ..
واصلوا ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سلطان الحافي]

استلم لا هنت

قردك ربي وجابك في جحيم(ن) بعد زين الظلال = اباخذ الحق بيميني ولو قومك بمشعابها
شمر وانا معك اشمر واحتزم مافيه جدٍ واخال = بنت الهوا ياعميلي من يجيها ياكله دابها

[سلطان الحافي]

مرزوق العتيبي
شرفتنا
ولاهنت
لك تحيااااااااااااتي

[علي فلاح العضياني]

ألاد عاضي تسل السيف الابيض في نهار القتال=العزوه اللي تنومس فالمواقف من تعزوابها
والله لتبطي (عظم) وانته على هالحال مالك مجال=لكن خل الدعاوي عند اهلها غيرك اولابها

[سلطان الحافي]

استلم

خل القبايل يمين وروح عنها يالمخرف شمال = بيني وبينك شراره ولعت مقرود شبابها
حلفت لااحشرك يالفالح لين اكسيك برقع وشال = قوم تعدى حدود القوم ناطاها على ارقابها

[علي فلاح العضياني]

اللي سواتك ترا دمه حلال ومثـل دم الغـزال=قصتك هاذي تشابه قصة ام قريـن ونصابهـا
افكارك اللي براسك روح طبقها على ام العيال=اللي يدينه قصار من الكرامـه مـا تعشابهـا

[سلطان الحافي]

ختمتها يابن عمي مزح مايزعل عيال الرجال = انته وانا كلنا قوه لعزوتنا تقوابها
وختامها لك تحيه واحترامي ياكريم السبال = والله يعز الحكومه والعرب ويذل حرابها

اخوي الفالح مشكور على هذه المحاوره
وآسفين اذا غلطنا عليك
ولك مني كل التقدير والاحترام
تقبل تحيات اخوك / سلطان الحافي

[علي فلاح العضياني]

الاخ سلطان الحافي مشكورعلى اعطائي الفرصه

لمحاورتك ولاحصل منك قصور واغذرنا

اذا حصل منا اي زله

وتبقا ابن عم عزيز وغالي ولنا لقا قريب انشاء الله
اخـــــــــــــــــــــــــــــــــــوك الفالح