العصمة ( حججهم ووثائقهم )

[وصل الشهيب]

حمود بن خيشوم العصيمي
الشاعر وصل الشهيب 000 مادام دار نقاش بهذا الشأن بين ابن دخين ومستور معناته فيه شيء
ياليت ولا عليك أمر تجيب جزء كبير أو كامل المحاوره ونشوف رد مستور لان اقتباس بيت من كامل
محاورة عرًاف لايكفي لتوضيح معنى مثل هالمعنى ومستور من المستحيل يحلف عليه شاعر ويتركها تمر بسلام شاعر يعرف من اين تؤكل الكتف
ومن بيت ابن دخين يظهر اعتراف ضمني بوجود الحق ولكن السنين والاحداث وتعاقبها غيبت أو كادت تغيًب هذا الحق والله أعلم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ

الأخ حمود بن خيشوم العصيمي... والله ونا أخوك ماأعرف من هذه المحاوره إلا بيتين لأستاذي وأخوي الكبير .مستور بن تركي أطال الله في عمره وأمدًه بالصحه والعافيه
وبيت واحد للشيخ عبدالله بن دخين رحمه الله
وإلا أنت تأمر أمر .لأن إبن خيشوم شيخ من شيوخنا وبالتالي كلنا أبناء عمومه

يقول أبو تركي

ياذويبات أعطوا الطالب حقوقه=حقه اللي راح من ذيك السنيًه
وإن بغيت شهود من برقا وروقه=أطلبوا عشرين واجيكم بميًه

قال الشيخ عبدالله بن دخين

إن بغيت الصدق والله ماتذوقه=راح مثل الداب ليًه فوق ليًه

أخوي حمود
هذه المحاوره مضى عليها أكثر من أربعين عام . وكانت عند الذويبات في قرية الصبخه.وكنت أيامها
طالب في الإبتدائيه في مدرسة العوصاء بني سعد بالصف الخامس أو السادس .مغرم بالشعر
ومن أشد المعجبين بالشاعر مستور بن تركي العصيمي

وأبو تركي يذكر هذه المحاوره جيداً.لأني دايم أقول له .إن بغيت الصدق والله ماتذوقه.يضحك ويترحم على الشيخ عبدالله