(غزونا الغرب)

[راجي السويدي]

بسم الله الرحمن الرحيم

قصيدة استغاثه وكذلك اجتماعيه...

الا يـاالله يامحيـي العظـام الباليـه بكفـان=جليل الملك مجـر الفلـك والدنيـا ومافيهـا
كريمٍ عالمٍ خـاف السرائـر خالـق الانسـان=آلـه الكـون فـي تدبيـره الايـام مجريهـا
طلبتك يامنـزل فـي هدايـة عبـده القـرآن=علـى سيـد عبـاد الله للإيـمـان يهديـهـا
تعالى واحداً معبود في عرشه عظيـم الشـان=رفع سبع وبسط سبعٍ وكل الخلـق محصيهـا
طلبتك في نزول الغيث غيثٍ يحيـي الاوطـان=يعـم الـدار والاشجـار ينبتهـا ويحييـهـا
بنواً ماطره لاهل يسق الضامـي العطشـان=بروقـه بالمـزون تلـوح والهمـال قافيهـا
ليامنه رعد والبرق يوضي من وراء الامـزان=تباشر به جميع الخلـق والريضـان يسقيهـا
على دار السعوديـه برحمـة واحـداً رحمـان=شماليهـا جنوبيهـا وغربيهـا وشرقيـهـا
حقوقـاً نافـعٍ سيـلـه يسـيـل كامل الـوديـان=تشوف النبت عقب الغيث يعجب من يراعيها
تشوفه بالمفالي والزهـر متخالـف الالـوان=يسلي خاطرك نبـت الخزامـى فـي مفاليهـا
وتعود الحال من عقب الجفاف وتخضر الاغصان=بتدبيـر الكريـم ومدتـه لـلـي يراجيـهـا
الا يـاالله كثـر الخطايـا والبشـر صقهـان=ماكن الناس تسمـع داعيـاً للحـق يدعيهـا
نقص فعل الفضيله واستبد الكفـر والعصيـان=وهرج الزور واهل الزور كثرت في مساعيهـا
كثيراً من تهـاون بالصـلاة وباقـي الاركـان=وكثيراً مـن معـه مـالاً ويمكـن مايزكيهـا
وقليلٍ من يعد الحق بين فـلان هـو وفـلان=لياشـاف الخطـا بيـن الرفاقـه مايقديـهـا
لونه يعرف اللي بالغلـط ماقـالـه غلطـان=يصد ويتـرك الفتنـه ولاكنـه سمـع فيهـا
وهذه مشكله والمشكله مـن زايـد الهجـران=مصيبه والغريبـه دون حقـاً يهجـر اخيهـا
عقول الناس ضاعة بالفسوق وصابه الطغيـان=ياكيف ان الرجل نفسه علـى الباطل يمشيهـا
تجاهلنا الحقيقه بيننـا واستفـرس الشيطـان=دخيلـك ياإيـلآه الكـون بأولهـا وتاليـهـا
زمانٍ ماعرفنا منهو الرابح مـن الخسـران=ولايـدري بنيـات البشـر غـيـر باريـهـا
وصحيح ان اللهو مايجلب الا الهم والاحـزان=ياكم من عالمٍ بالكـون كثـر اللهو مطغيهـا
غزونا الغرب بفكار ودمـاراً يخلـف الاذهان=محطاتٍ تغسـل عقـول كـل اللـي يراعيهـا
غزونا بالفضاء حتى الخزي تخلخل العمـران=بدون سلاح نزف جـراح والجهـال يغويهـا
هدفهم يد مرون الدين والعفـه مـن الشبـان=شباب المسلميـن اليـوم ضاعـت عن مباديهـا
طواغيت الكفر ترسم لنا الخطه بكـل اتقـان=مثل منهو يصب السم بالحلـوى ويخفيهـا
يقولون التطـور والتطـور ياعـرب نجحـان=وغدينا كالضحايا اللي تساق لمـن يذكيهـا
عسى ربي يديم لنا العفـو والأمـن والإيمـان=دخيلـك يـا إيلآه لكـون بأولهـا وتاليهـا