ولـــــد روق

[حمود العازمي]

ولد روق


حان اللزوم وحان وقت القبيله
باللازم اللي ماله إلا ولد روق
أن أعتزيته مايجيب الفشيله
سد اللزوم ورافعن روسنا فوق
شيخن ليا جات اللوازم نجيله
بالطيب والجزلات ماهو بمسبوق
ولد سليل المجد راع الجزيله
في منزله في منصبه عاش مرموق
ماهمته دنياه في كل ليله
يمشي على وضح النقا طيب الذوق
قلت الصحيح اللي موثق دليله
من مصدره موثوق والعلم موثوق
الطيب مايسعى وياخذ بديله
يعشق هل الوقفات للخير معشوق
يضد من بالشر جاء محتسيله
طريح سيفه دمه يفوح محروق
راعي مباهير الدلال الجزيله
اللي على شيوخ العرب كفه تسوق
شيخ القبيله مانعدد حصيله
ستر الجبال اللي بها دم وعروق
لا قيل من يكون مابه مثيله
سلايل اللي حط في نجد معلوق
دار الأماره ماندور بديله
لو كان من دونه مخاييل وبروق
عند الرباعين الرجال النبيله
أحفاد مسلط دربهم عز وشروق
أهل السيوف الصارمه والسليله
تاريخهم ماهو على الذل والعوق
ماجات بالهزلات ولا بحيله
كلن على الجزلات عاشق ومشفوق
اليوم عبدالله بسيفه وخيله
دايم على الهقوات يسلم من البوق
أنشهد أنه عز من يرتكيله
أبن عمر لاقيل والحق منطوق
أفعال قوم تصخر أكبر وسيله
يستاهلون وطيبهم مد وحقوق
أهل المراجل والدروب الطويله
اللي لهم وقفات والعلم بصدوق
وقت اللوازم يوم شب الفتيله
من لا يروق يساق بالغصب ويروق
ياعيال روق اللي تدك الثقيله
عوايد اللي فعلهم بالفخر ذوق
مايطمعون إلا على المستحيله
تاريخهم بالمجد مايعرف السوق
أهل العزوم الصارمه والجزيله
أسم القبيله بأسم الأمجاد مطلوق
أليا وقف كلن وعدد حصيله
تاريخ ربعي روق فوق السماء فوق



الشاعر حمود عبيد العازمي

[سيف الامن]

صح لسانك ويستاهلون

[عايد الروقي]

صح لسانك ويستاهلون روق
ولاتهون القبايل الاخرى

وعندي تحفظ على هالبيت
تاريخ ربعي روق فوق السماء فوق

[قيس العازمي]

صح لسانك




ويستاهلون

[مخلد منصورالثبيتي]

صح لسانك قصيده جزله وربعنا يستاهلون