الليل وين الشاعر اللي على البال

[سعود بندر الحربي]

الليل وين الشاعر اللي على البال
يسمع كلامي بعد رد الســــــلامي

سلام رديه على كل الاحــــــــــوال
في بطنها للحاضرين احترامــــي

[محمد الذيابـــي]

ياسلالالالالالالام



صح لساااانك وصح لسااان قبيلك..

التوقيع

التوقيع محمد الذيابـــي

[قيس العازمي]

ذا وقت تهجد ماهو وقت موال ** ياللي تقول ابه احد يسمع كلامي


يامرحبا والليل ياصاحبي طال ** عطنا علومك يارفيع المقامي

[قيس العازمي]

المشاركة الأصلية كتبت بواسطة محمد الذيابـــي

ياسلالالالالالالام



صح لساااانك وصح لسااان قبيلك..

صح بدنك يالذيابي



ونتشرف بمتابعتك

[سعود بندر الحربي]

المشاركة الأصلية كتبت بواسطة قيس العازمي

ذا وقت تهجد ماهو وقت موال ** ياللي تقول ابه احد يسمع كلامي


يامرحبا والليل ياصاحبي طال ** عطنا علومك يارفيع المقامي

نهجد عدانا ونــتـــفاخر ونـــخـــتــال
واهل الردى مايرفعون الحسامي

ياشاعر عتيبه تــغــير بــــك الحــال
اليوم تمشي خلف راع المسامي

[قيس العازمي]

تهجد وتكسر لاحصل حرب وقتال ** ولو اهجدك تسري بليلٍ ظلامي


ثابت شدادي يالحريبي ولا زال ** وانته ماعشت الا بحكم الامامي

[سعود بندر الحربي]

مانته بخابر غير تـــعــذيـــــب واذلال
مير العن الشيطان شين الرسامي

ياللي وقفت وطحت من عالي الجال
والمجلس المعمور ساده حرامــــي

[قيس العازمي]

اذكر نهار النار تشعم للابطال ** ونجيلها وتصير برد وسلامي


ماطحت ياهراجة القيل والقال ** وان راح ابو تركي يجيك الزلامي



تشرفت باللعب معك ياحربي



والنوم غلب علينا ولا ودنا نكمل



لكن تصبح على خير والجايات اكثر

[سعود بندر الحربي]

ياللي مفصل فوقك الكذب تفصال
مانته نبي الله ياهذا الغلامــــــي

اثر البعير شعيل للحمل يحتـــــال
مير انتبه لانسحبك بالخطامــــي

[سعود بندر الحربي]

ماقصرت يالعازمي
ولاهنت على المحراف