راشد السحيمي وسوار الذهب نارية نارية!!

[محمد ناصر الأكلبي]

راشد السحيمي:
ياجماعة خير انا ابا اخص عبدالله لحاله=مايصير ان الولد هذا يزعلكم عليه
كان عنده راس مال يقول لي وش راس ماله =يمكن المطران معطينه شداد بلا مطيه

عبدالله الميزاني:
مثلك اللي وان حداه الجوع ياكل من عياله=ماعرف معنى العزاوي ماعرف معنى الحميه
انت فيك شوي من شعب التخلف والجهاله=بس انا مدري متى حصلت ختم وتابعيه

راشد السحيمي:
لاتقول ان الولد لاطاب طيبه من خواله=شوف انا خالي مطيري والوفا والطيب فيه
يعلم الله كان بالعالم حثال انت الحثاله=قولها للي معدينك حدود الجاذبيه

عبدالله الميزاني:
يمكن انك تشرب الفنجال وتكب البياله=فيك مايكفيك يالحربي عشان الافضليه
والله انك لاجميل ولاتجي فيك الجماله=انت ودك بالردا لكن انا ما ابغى الرديه

راشد السحيمي:
اشرب الفنجال والفنجال ما ادور بداله=وانت والفنجال صرتم كل واحد في نحيه
ياولد ميزان لاوصلت ميزان العداله=كان ماتطرحك حتى الطايرات المروحيه

عبدالله الميزاني:
الله اكبر ماش حربي عنصري بلا خباله=يمكن ان الصمغ مثر فالعروق الداخليه
انت عينت البعير اللي رضع ديس الغزاله=من يحصلها عنيه مايحصلها هديه

راشد السحيمي:
ماتحصلك مطيري مستقيم بلا نذاله=يمكن ان السر فاللي تاكلون من الرعيه
كل جمال"ن"يلد العين ويدور حلاله=والغزاله والجمل ياصاحبي ماهي بليه


عبدالله الميزاني:
يكرمون الناس والحربي متى تكرم سباله=مايغيرها الطبيب ولا علاج الصيدليه
صاحبي راشد ماحد يظهر حبالي عن حباله=ان لقيته فالمدينه وان لقيته بالحويه

راشد السحيمي:
الولد هذا ليا منه طرا له شي قاله=والثلاثه كلهم كبرو وصارو بلطجيه
ابعد حبالك عن حبالي ترى حالتك حاله=لاتعنصر لين تعرف ويش معنى العنصريه

عبدالله الميزاني:
تحسبن العرف يالحربي يجاب من البقاله=اكتشفت ان الحروب مجمعين وفوضجيه
انت ياراع الغنم من قال لك ياصاحب جلاله=ماتغيرك السنين ولا الحروف الابجديه

راشد السحيمي:
لاتسب الحربي اللي طول عمرك في ظلاله=اكتشفت انك رماد"ن"مابوسطه نار حيه
صاحبي عبدالله الغازي كريم وطاب فاله=مير ماله عندنا وسط المدينه قنصليه

عبدالله الميزاني:
كل مجنون"ن"يوراله على مافي خياله=مادرى ان اللي معه كف العراق كعيبريه





منقووول من منتديات أكلب

[ذعير العالي]

صحت السنتهم

وسلمت يمينك يامحمد ناصر

[خليل هليل الشيباني]

مشكور يالاكلبي

[محمد الذيابـــي]

...



طاروق مميز


لا هنت يابو ناصر....

التوقيع

التوقيع محمد الذيابـــي

[أبو أيوب الغامدي]

صحت السنتهم
وسلمت يمينك

[سلمان المرشدي]

صحة اللسنتهم

أشهد بالله ان عبدالله الميزاني شق من سماء على روس الشعار
هذا والله اللي ماهو بسييييييييط صدق ابن روووووووووووووووووق

[عايض جزاء العصيمي]

لاهنت على النقل

[قيس العازمي]

لاهنت على النقل




يالغالي

[محمد بن سمار الحنان]

كلهم شعار وافين

لكن عبدالله له نكه خاصه

[لاعب الطاروق]

السلام عليكم ورحمه الله وبركاته

مساء الخير
انا عندي وجهه نظر

اخواني انا من متذوقين الشعر بغض النظر عن اسم الشاعر او غيره
ارى انا هذه المحاوره في الحظيظ
والله ما ودنا نسمع ونقراء مثل هذه المحاورات التي فيها تجريح وتعميم على الكل
وكذالك بعض المعاني والكلمات التي يسحي اللسان من نطقها
فيها تشويه للأدب والشعر

اعتذر من صاحب الموضوع
وهذه وجهه نظري