يقولون لن ضاقت عليك الوسيعه غن

[محمد الذيابـــي]

مـراهـيـش نـوك ماتـبـل الـورق ياهــنّ =لها اليوم تاسع يوم تـبرق ولا سالـــت
يقولون لا ضاقت عليك الوسيعه غـــنّ =وانا اقول شفت مقرد الخلق وش قالت ؟؟
انا البارحـة من يـوم غــابت الـين اذنّ =تحـلـوى عيوني للكرى مير ما احتالت
يثوع النعاس من ارمد الجفن يوم تـعـنّ =سراميد غـيــضٍ بالـحشـا حبلها فــالـت
ماغـيـر اتـدرق بأسـمراللـيـل لا لــجــنّ =هجوسٍ تخطرت هيبة الجرح و اختالت
هـجـوسٍ ليا قـامـت تكَـرب وقمت آونّ =تــصـرم معـالـيـق الحنـايـا ليـا انهالت
ذلول الهجاد اللي نبت في جماها سنّ =من العام تثعى في ضلوعي ولا زالت
حلال الذهاب الى استشاطت لبسها جنّ =يا كــيف آتــجــوّد في نـحـرها ليا مالت
و انا يـوم امــسّ بـطـانها ما عليّه مـنّ =يدين الهوان ان حطت اللوم وان شالت
آبا زم نـفـسي عـن طـمـان هـواه مـصـنّ =واعدي لجفني و ارقب العين وش خالت
عـلـيهـا المـلام ولاعـلـيـهـا السلام آبـدنّ =يـديـنٍ تـبـي قـصـرة يـديـني ولا طـالــت
بعد مانـفـضـت غـبار صـدري ولـد ياهـنّ =بعد ماروّت روحي من الغيض و اكتالت
يـقـولـون لا ضاقـت عليك الوسيعه غـنّ =و انا اقول شفت مقرد الخلق وش قالت ؟؟

مساعد الرشيدي

التوقيع

التوقيع محمد الذيابـــي

[عزارم]

صح لسانه وشكرا لك ياطيب

[محمد الذيابـــي]

مشكوووور يالغالي..

[حصاااااان الهيلا]

صح لسان الرشيدي

[محمد الذيابـــي]

..

مشكووور على المرور يالغالي..


...

[سامي المهياء]

لا هنت على النقل الرائع..،،..،،..

[محمد الذيابـــي]

..

مشكور ياسامي..

.

[عايض جزاء العصيمي]

صح لسان مساعد الرشيدي


ولاهنت يامحمد

[محمد الذيابـــي]

المشاركة الأصلية كتبت بواسطة عايض جزاء العصيمي

صح لسان مساعد الرشيدي


ولاهنت يامحمد

...


صح بدنكـ ولا هنت على المرور العطر..

[قيس العازمي]

صح لسان الشاعر مساعد الرشيدي


ولاهنت على الاختيار الموفق يالذيابي



تقبل مروري