 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
21-Apr-2003, 01:36 AM
|
رقم المشاركة : 1 | |||||
|
( بندر بن سرور)
الله من عين طرقها صواديف
عميت ويبسن بالعروق الصخافي شفت الوزا بالعين من عرض ماشيف شفته وغيري من فطن له وشافي وقت تغير فيه حتى العواصيف جا في عواصيف الرياح أختلافي شره قناطير وخيره مقاطيف يفطن له اللي يرضع الديد غافي كم واحد جاله زمانه على الكيف واغترته نفسه يبا الجود وافي يطلع مطاليع العلا بالسواليف بين العذارى عد روحه سنافي يفرح بهرج بالقفى يكره الضيف قتات والقتات بالنار هافي يعلق قصيره علقة النار بالليف عي ولد عي زنوده ضعافي ان رخصت الحذوه توفي عن الحيف وان غليت الحذوه مشى اللاش حافي يرقد ويلحق والدينه تخاليف دايم ومرقد ميت النار دافي هو مادرى ان الجود يبغى تكاليف سهر الليالي مقبلات مقافي يبغى يدين للعطايا مغاريف ويبغى رجول ماتمل الوقافي والصبر بنحور السنين الشواحيف اللي قساها مثل حد الرهافي مايقدرون الجود سود الأطاريف مشاركة بيض النسا باللحافي يقدر عليه اللي حكم نجد بالسيف واودع مباغيض القبايل ولافي عبد العزيز اللي يبث المصاريف يجدع قناطير الذهب بالفيافي يمشي على دربه جموع مراديف نو تحدر ماه والجو صافي يشدي لواقيط الزبيدي بعد ريف ومما كسى البيدا تفيد الضعافي (سر ياقلم) سر ياقلم مالي على الصبر طاقه صبري تعدى الحد ماعاد ينطاق أكتب لمثلي قصته واشتياقه في خطك الواضح عللى بيض الأوراق قصة حزين صافي الحر ذاقه انا بذكره ماصله خاطري ضاق باقو به الأصحاب والوقت باقه وصار الضحيه بين باير وبواق يمشي وهو ماحس في كسر ساقه امسى على ساقين واصبح على ساق مهذي سواة الوقت شين اصطفاقه الوقت لو يصفى لك ايام دراق لاشك يامن معك عقل ولباقه بنصحك كان انك للأمثال تشتاق صادق رجال يعرفون الصداقه يقفون صفك يوم يبسات الأرياق ومن يرغب فراقك فعجل فراقه جاز الذي يجزيك أفراق بفراق يقوله اللي جاير الوقت عاقه ولازال في غيبوبة الهم مافاق حظه على اقشر شي للنفس ساقه بقبور الاحياء ينتظر يوم الأطلاق (الشاور غشاني) من بلاد الشام جينا بالمكينه فوق فرت ماتخثع بالطماني يحتدي مثل الجمل تسمع رطينه مع طمان القاع مثل الثعلباني والشفير من المدارس مطلعينه عيدهي يجدعه جدع الحصاني قذلة الطربوش ناطلها يمينه عن ظلام الليل شب الكهرباني ماتجيه يسار رجله شوف عينه غير يسر الطاركي باليماني يوم قال له الخوي عاشت يمينه شد رجله للكمك واحد وثاني يالله انك تنصره من نصر دينه ان عطى له مع غبا والا بياني قلت يالمطنوخ انا عيني حزينه عن شراب اللف ابيه وعنك كاني قد رمى بالكيس قدمي قال وينه دوك مابالجيب عن شي لهاني يقصد الكبريت معي منه عينه قد منا تلت غراميل متاني قلت ثالث قال يالله لاتهينه قلت خامس قال قير يطلب نقل ثاني قالت واحد والكمك ظام المكينه قال لي من يرحم القاسي لياني قلت والله يرحمونه صانعينه قد زعلت من اللهيب اللي غشاني قال ماتاثق بذمه مقننينه عن مشاور غير عرفي قد كفاني قاطع عرقين مدري وين وينه قد وصلت الأرض واسمع صوت ثاني يوم يرفع موخره قو المكينه يرتخي صدره وانا الشاور غشاني قلت دوك اللف خابو شاربينه غطني عن شوف شي قد غشاني قال عن وقلت بأيا لحينه قال قل ناسي خوي مانساني قلت عاش الشيخ واللي ناجبينه عادة الطيب اليا جا الجد عاني (صدر وردوف) يابنت ياللي عمرها صدر وردوف بيض محاجرها وحلو نباها ودي بشوفك مير يوم اقصر الشوف عيني بعد هاك الرمد قل ماها سويت لي يابنت بالعين معروف بأسباب رجل بعدتها خطاها والا ترى قلبي ليا اصطك بالجوف اومى بحالي لين تابس عصاها ( لاتجربونه) ياهل الونيت اللي يبي مشتل البيب مادق صدره بالخطوط الغزيره يوم يتخثع مع محير الأداعيب يشدي تخثع جادل في حريره لاتجربونه مايبي الفرت تجريب قد جربه بالبيت الأبيض خبيره عدوه لابن حزام سيد اللواعيب لعاب زينات البيوت العسيره ثم قل لقاعد مانبي منه تدريب الوقت دربنا على كل سيره لو كل من قاد السبب يعلم الغيب ياما كرهت النفس من باب خيره ان قفت الأيام ماها مغاريب واليا اقبلت يازين صافي غديره قل له رميت الكيس بين الشواريب واليوم ادوج مالقيت اتعميره (لاتسقط شرفها) الله من شي بحالي نحفها من مالجى بالقلب حالي نحيفه من كثر ماتكتم تزايد تلفها بين كداها بالعروق الصخافي كم واحد له حاجة ماصرفها يصد عن صرافها لايضيقه يخاف لايقضب نديم طرفها قلبه صدى واطراف جسمه نظيفه والله خلق بيد الذلول وعسفها للي يبي المنهاج مثل القطيفه والفضل للي مدها ماقصفها وانهج من الدار المحل للمريفه وانصحك ياللي غرته ماعرفها شيب تشيب مايحول رديفه رديفها يركض ويركز هدفها وقت يقص العظم من حد سيفه وان جتبك الدنيا وجابك صدفها لاتعتزي بأهل النفوس الضعيفه وأنصحك نفسك لاتسقط شرفها ترى بعض بيض المجالس مجيفه (خبيث التجاره) لاوالله الا طولن بالوقوفي عيا يحملهن خبيث التجاره بفلوسنا ياعبيد ماش معروفي متى نجي ياعبيد مع خشم صاره ياركب من فوق صاف البلوفي مقعد امبير الزيت نيم الحراره فراق مابين القلوب الولوفي فرت كما وبل السحايب غباره (الحر الفلاحي) بديت ذكر اللي بسط سبع بوتاد واللي رفع سبع بليا عمدها والكار للي صار غيث للأجواد لاقبلها صارت ولا من بعدها زايد على كل العرب بالوفاء زاد ساق المراجل لين وقف عددها حلحيل حلو مر زراع حصاد كبد يداويها وكبد لهدها ولي عجوز من ورى شط بغداد سمت على الحر الفلاحي ولدها تبغاه يطلع مثل زايد ولا فاد ماكل من هاز الطويله صعدها ياشيخ انا جيتك على غير ميعاد من خوف روحي لايجيها وعدها (صنايع يهود) الا يانديبي فوق دوج عليه شراع ماقال انفخ التشريق جاء في مواصيره ليا هبت العليا وقام العجاج وراع يهيظك مع السكه تزاوغ معاصيره صنايع يهود لايبدل ولا ينباع يقربك من دار ويبعدك عن ديره بعد ماطلعوه مشيك مايبي المرجاع سمع من وراه الفوج غنت مواطيره ليا دق سلفه قام صوته يرج القاع ماجاه المعاون يشتغل في مساميره عطاه اثنين وداس بلأبنص وفاع رزيمه رعد مزن تهلع دناقيره خرط له بثالث عقب نشه بعزم وزاع شتله برابع مايضيع تغاييره ليا شال عزمه ريحه آمن مارتاع مسك مع يمين الخط ويلد لأنبيره نص جو سمنه مايبطنج مع الأرواع منصيه شيخ ماتبطل جزازيره على سلم جده مايشاور ضعيف الناع يدلك بفعله كاثرات دواويره (حج الجمل) انا ليامني نويت افتل البيت فتلت والشعار ما ينقضونه بينت راسي للحميدي وغنيت وين انت ياللي مرمسات ديونه حج الجمل ياهل المثايل وحجيت والناس راس العبد مايقطعونه دوك السويتش وشغل الفرت يابخيت وارد حفيز وكاملات فنونه (عجل على المسجد) ياكثر يافيحان صبر صبرناه امس الشهر عديت باقي اسبوعه لاتغبط اللي صار زوده بدنياه يتبع هوى نفسه وغير طبوعه مخطي طريق الحق غاد بعمياه يجمع وصخ مال زوال نفوعه اغبط تقي صار زوده بتقواه عبد لصوت العبد يرخي سموعه يفرح بصوت منادي الحق ناداه عجل على المسجد بطيْ ركوعه والا ترى الدنيا حدود مسماه لابد مايقفي وتقفي زروعه (رجتني الأيام) ياسخيف الذرعان ماني بمرجوج رجتني الدنيا بغدر وحيله يابنت لولا اللي على تاسع الفوج تركت نجد وعزوة بالقبيله لاشك حاديني على نجد هيدوج مسقي الفيافي لين يدرج مسيله تركي ليامن الليالي غدن عوج حمله عتيبه كلها ماتشيله يرسي كما مينا البواخر على الموج ومنين ماصك البحر يرتكيله مادام تركي حي ماودي ادوج وان غاب غبت من الرجوم الطويله (انحاس بالي) انحاس بالي يامحمد وصديت من كثر الصدات قلت شطونه ماني وانا بندر بهيت ولد هيت هيت يجامل خمة يكرهونه من كثر ماجربت واقبلت واقفيت قولة هلا لمن لايودك مهونه سلط على النصراني اللي لقا الزيت لعل نبع الزيت يعمي عيونه لاشك تحتاج المراجل شفاليت تحتاج شي يقصر النذل دونه عزم على الفرجه وقطع الخلا الميت حتى عيال البوم مايقطعونه ثلاث*من كل المعاني تنقيت واللي بقى كل الملا يقدرونه مابغى جزاهن غير من خالق البيت عمالهن للناس ماينفعونه (دوك الفرت) يامنير دوك الفرت واخذ الفواتير وافحص عليه ودخله بالقراجي اللي يبي بنزين ركب مواصير واللي تبيه النار ركب بواجي واليا ستعد وصخر البعد تصخير تصخير شيهان لفرخ الزراجي حده على اللي مايعد المخاسير ركاز عمدان الخشب للنعاجي ثم قل لبو بندر ترى وقتنا غير تبدلت سحب المطر بالعجاجي قومه عتيبه شيوخهم مابهم خير لايدعي بشيوخ شيوخ الخراجي نبكي سيوف سمرت نجد تسمير تسمير عود الساج في عود باجي حدن محمد ابن هادي ورى النير والفرم محسن عقبنه سواجي ربع رسو بين الحفيفين يامنير ماسلمو لمدور الباج باجي رحنا ندوج ونتسمى مناصير نمشي على البيدا بليا مزاجي متى يجي في نجد بعض التغايير حتى يجي للصابرين انفراجي (بالسلك يندار) يامنير عمر لي من التتن معمار يبري الغليل اللي على القلب كالي ولا رفعت الصوت وابديت ماصار من شان تدري ويش ولا بحالي مكفاك مني سجتي بعض الأمرار انهج جنوب وحاجتي بالشمالي اركض مع الدنيا كما ركض دوار ياما كسب زندي وياما غدى لي الله على اللي عايروها بالامتار طراز بنج شغلت بالعدالي زادو هواها واطعموها من النار حتى امبير المنجضع عد صالي نشت سما ماجربوها مع القار طارت مطير الطير ربع الكحالي تلفي على اللي في طرف هجر سنجار يشدي جبل سنجار بين الجبالي باطراف بيته للمواجيب شنكار معلاق كبش عند راعيه غالي ثم قل لبو بندر ترى الوقت دوار يفطن تراني منفعه لو شكا لي ان زان وقته صار بالسلك يندار وان شان قص مروبعات الحبالي كم واحد بين العماهيج هذار مغترته نفسه بكبر الضلالي يبلس على ربعه ويدنع بالأسوار ويعد نفسه من حساب الرجالي كفه بخيل وقلبه انجس من الفار اسود طرف وادغم من السرمدالي هذاك بعده خير ماكنت بختار اجزاه بالصدات وابعد مجالي ابعد مجال الرجل عن كل هذار واصبر على الصكات والعمر بالي وليا وطني غبر الأيام بأزوار غيري جماعه ماوطني لحالي شفت الوزا واشتلت لي منه قنطار وان جيت اعدله شرق للغرب مالي عبر على الدنيا من العسر لايسار ماظنتي فيها حرام وحلالي حرام للفنجال سوقه ليا فار الا على اللي يرخصون الريالي وانا اللذي ماقول في نجد شعار وان كان به شعار محد حكى لي (ذباحة التيس) ياعنك ماتغنيك ذباحة التيس ربع السعد مادام حملك خفيفي واخير من هاك الوجيه المفاليس البعد عن معروفهم لو تضيقي يلحقك منهم بعض الأيام تنجيس تاطا النجس لو كان ثوبك نظيفي (يامشتري حظ) يامشتري حظ جزى منه راعيه ياسايم حظي تراني سموحي ارخص عليك البيع ماني بمغليه واشرط عليك انه سدوح لدوحي هذه قصيدة قالتها ام بندربن سروربعد وفاته ( الضلع القصير) طويت حبل الياس يابدر دونه وجاني عليه من الأذى ماكفاني في الليل جسمي مقلقاته همومه والعين تسهر ماتذوق المنامي عليه روحي يابسات شنونه وحره على الضلع القصير كواني امشي وقلبي يابسات غصونه ومني صناديق الضماير حطامي بلا مرض حالي تقول مهيومه والكبد صامت عن لذيذ الطعامي اللي عليه القبر ركزت وسومه ولاعاد يمحى وسم حزنه دوامي يابدر متى الوسم تدخل حتونه من نو مزن مانشا بالغمامي ابيه يزي القبر ماء مزونه يزيه ربان السحاب الهشامي |
|||||
|
|
|
|
|
|
|
|
|
|
21-Apr-2003, 02:18 AM
|
رقم المشاركة : 2 | |||||
|
الف شكر اخوي ابن شامان , امتعتنا بقصائد متنبي عتيبة رحمة الله ورحم الله اموات المسلمين.
تقبل تحياتي. |
|||||
|
|
|
|
|
|
|
|
|
|
|
21-Apr-2003, 03:50 AM
|
رقم المشاركة : 3 | |||||
|
..
تسلم على مجموعة هالقصايد يابو شامان
|
|||||
|
|
|
|
|
|
|
|
|
|
|
22-Apr-2003, 01:23 AM
|
رقم المشاركة : 4 | |||||
|
اخوي ابن مشيب شكرا لمرورك
ولا شكر على الواجب والشاعر الله يرحمه يستاهل الكثير تحياتي |
|||||
|
|
|
|
|
|
|
|
|
|
|
10-Nov-2005, 12:11 PM
|
رقم المشاركة : 6 | |||||
|
الاخ الكريم
ابن شامان الف شكر لك على كتابة قصائد الشاعر بندر بن سرور الله يرحمه ويغفر له وهذا مجهود طيب منك ولكن لدى ملاحظه على احدى القصائد وهى قصيدة سر يا قلم مالى على الصبر طاقه فتلك القصيدة هى للشاعر المبدع الملقب بالبحر الميت عبدالله بن باتل الجلادى الرشيدى والقصيدة هذى كلماتها وليس كما ذكرت فى كتابة الموضوع والشاعر بندر بن سرور رحمه الله شاعر فى غنى ان تنسب له قصائد ليست له فلديه من القصائد الجزله الشئ الكثير لذا اقتضى التنويه والقصيدة هى كالتالى  وتلك القصيدة من قصائد للشاعر عبدالله بن باتل فى منتديات عبس هذا وتقبل كل التقدير اخوك البارز |
|||||
|
|
|
|
|
|
|
|
|
|
|
13-Nov-2005, 04:23 PM
|
رقم المشاركة : 7 | |||||||
 |
مشكووور وما قصرت اخوي ابن شامان
اتحفتنا بهالقصايد الرائعه تحيااااااااااتي
|
|||||||
|
|
|
|
|
|
|
|
|
|
|
13-Nov-2005, 09:16 PM
|
رقم المشاركة : 8 | |||||
|
(سر ياقلم) لم اسمع بها من قبل واعتقد انها ليست لبندر ابن سرو ر (الشاور غشاني) (صدر وردوف) ( لاتجربونه) (لاتسقط شرفها) (خبيث التجاره) (الحر الفلاحي .زايد العرب ) (صنايع يهود الفرت ) (حج الجمل) (عجل على المسجد) ( سخيف الذرعان ورجتنت الأيام) (انحاس بالي) ( المعلقه ) هى من اجمل قصائد بندر رحمه الله وكان صريحا فيها الى ابعد حدود و$$$في نفس الوقت وهي ناقص منها ابيات كثيرة 0 (وصف لحياته ويامه الاخيرة قبيل وفاته ) (ذباحة التيس) (يامشتري حظ) هذه قصيدة قالتها ام بندربن سروربعد وفاته احب ان اقول الى امه بان بند لم يمت بل موجد فى اذهان الجميع وهو من فطاحلت الشعر الشعبي ومصخر القيفان في الجزيرة العربيه بدون منازع شاعر مخضرم طور الشعر الشعبي وحول الوصف من الرحول الى السيار وجمع بين جيلين وصف فابدع عندما يقراء له تتصور الخيال امامك في شعرة رحمه الله واسكنه فسيح جناته 0 ( الضلع القصير) طويت حبل الياس يابدر دونه |
|||||
|
|
|
|
|
|
|
|
|
|
|
21-Nov-2005, 02:22 PM
|
رقم المشاركة : 9 | |||||
|
انا اشهد انكم وافين ومكملين تكميل والكمال لوجه الكريم ومهما انقول في ((((عزيز النفس))) بندر بن سرور
ما عطيناه حقه اللي مايسمعه الصغير ومااعرفه الا حبه........................ بيض الله وجيهكم و الله يرحم من قالها رحمتن واسعه |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
