يامل قلبٍ

[قـنـاص الـقـوافي]

المشاركة الأصلية كتبت بواسطة عايض جزاء العصيمي

يامل قلب(ن) يسج وفيه هوجاسه=من واهج(ن) فالضماير شب حاسوسه
قلب(ن) له سنين هجسه يشغل احساسه=يدق به بين حين وحين هاجوسه
يصر مثل المحال ويمرس امراسه=نوب(ن) ينوس الهموم ونوب(ن) تنوسه
والصدر به ضيقة(ن) وادنات ماحاسه=من علة(ن) كملها بالصدر محبوسه
يالله ياللي خلقت الكون واوناسه=ياخالق الكون محصي جملة نفوسه
عنا على الوقت هاذا واكفنا باسه=وقت(ن) على الطيبين يحدد ضروسه
وقت(ن) فهوده جياع وشبعا بساسه=معاد تاكل سيوفه عيش مع موسه
مدري من الوقت ولا العيب من ناسه=اشوف انا كل حاجه فيه معكوسه
معاد نعرف ذنبه اليوم من راسه=اذنابه اللي منول عودت رؤسه
لبس الردي فيه ثوب(ن) ماهو لباسه=لقى من يخبنه عليه ويقوسه
لو كان مهوب ويا الطيب من ساسه=جاء طيب اليوم عقب كثرة فلوسه
صارت تعبده رذال الخلق وخساسه=اعبادة(الهندي) السيخي لجاموسه
كل(ن) معه شايل(ن) طبله ومرواسه=وتشجعه طائفة سيخه وهندوسه

الله الله الله

احترت اي بيت اقتبسه فإقتبست القصيده كامله من جمالها وروعتها

صح لسانك حتى ترضى يابو جزاء وافي ولا تأتي الا بكل ماهو جميل ودسم شعريا

تحيتي لك