مطلق المــــــــواط ساق الاولات=جالكم بالعفر ياهل العفـــــــــر
ساقها يبغاء وسام مزاينــــــــات=جايزة عبدالعزيز إلها نظــــــر
من غلاها ضد كل المعجــــــزات=ساقها لميدان حلوات المـــــدر
مايدور مكسب ٍ وألا اشرهـــــات=يفتخر بالجائزه وإله الفخــــــر
ذاع صيته في جميع القنــــــوات=بين سكان الجزيره انتشــــــــر
فأم رقيبه ينقلونه الـــــــــــروات=مقدمه ومنزله فيها شهـــــــــر
قالوا مطلق قادم ٍ للمنجــــــــزات=اعرفوها بالكلام المختصــــــــر
في حلاله يبركن الفاهيـــــــــــات=نادرات اوصاف صافِيت الوبــر
وضح من خيرة الإبل الغاليــــات=خور مافيهن خفوت ولا عجـــر
زينهن لن كان قادن سارحـــــات=طايلا ت الشاح يرعن القفـــــــر
وزينهن لاجن منه ضاويــــــــات=مع غروب الشمس مبداهن قمر
وفي ميادين المزاين هايـــــــلات=كاسبات اعجاب من كل البشــــر
نومس ٍ شيخ يعد من الدهــــــات=يفتل الحجه ويفلج لا حضــــــــر
أشهد انه من مقاديم الجـــــــلات=راعي الطلات وان لاح الخطــــر
من سلايل عزوة ٍ ضد الطغــــات=سيفنا من دون خلات الدهــــــــر
ومسنده ألاد عاصم الثقــــــــــات=في المواقف ما يديرون الظهــــر
بالنحور يعارضون الـــــــواردات=بالكرم والعرف وألا بالسطــــــــر
يا عتيبه ارفعوا له الرايــــــــــات=ياعتيبه يا هل الجوخ الحمــــــــر
مطلق المـــــــــــواط راع الاولات=فايز ٍ بالاوله وابها ظفــــــــــــــر
الشاعر/مشعل بن صنت العصيمي
« آخـــر الـــمـــشـــاركــــات »
العرض الشجري