قصيده للشاعر دوخي الشلوي

[عبدالرحمن العضياني]

الشاعر دوخي محمد الشلوي أتمنى أن تنال رضاكم وإعجابكم

ياطاري الفرقا على لب الأذهان = من وين أسير وخطوتي للوعد وين
حاولت أبرر موقفي قدر الأمكان = ولا قدرت أستر دموعي ورى العين
لو كان راسي ماتنازل ولا لان = غير الدموع أبلغ كلام المحبين
ياللي فراقك عندي أشكال وألوان = البعد ضيعه للغلا والجفن شين
كني مفارق للأهالي والأوطان = علي دين أرقاب ومفارقك دين
شفني بيوت تموت من دون سكان = قريه قديمه والمباني من الطين
أقرب لها يسكن بها الجان = أطلالها تشكي من الهجر والبين
من الجفى كلي كوابيس وأحزان = على رجا باكر وبعده وبعدين
جيت ولقيت الصدر مجلس وبيبان = ورحت وغرست بمغلق الصدر سكين
ماكن به قانون لحقوق الأنسان = في دورك أسرائيل وأنا فلسطسن
والله ماصرنا حبايب وخلان = أنت أخترقت الأنظمه والقوانين
غلطان لا والله مانا بغلطان = هذي ظروفي عشتها أيام وسنين
حطيتني في دفتر الياس عنوان = أسمي صفحاته يسار ويمين
غير اعتبر حبك تلاشى ولاكان = ماعمر غصن الحنظله يثمر التين
إذا ذكرتك ماجزيتك بنسيان = الله لايرحم عظامي قل آآآمين

[ولدعساف]

صح السنه والسانك

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[محمد الذيابـــي]

,,



صح لسااااانه...

التوقيع

التوقيع محمد الذيابـــي