سوال عن الفارس خونان

[مشعل بن حويد]

بغيت اسأل عن الفارس خونان اللي من الخيوطيه من الدعاجين واللي قيل عنه انه رد نياقه من ابن رشيد لحاله

[متعب العضياني]

انا سمعت عن وخذت اباعره
لكن وانا اخوك ماسمعت عن رد اباعره
يمكن احد الاخوان يفيدك

[مشعل بن حويد]

يمسيك بالخير يامتعب ان ياخوك عندي اطراف اعلوم ولاهي بوكاد وكتبت الموضوع بالصيغه السابقه قلت يمكن احد الخوان يفيدنا بالعلم الصحيح .............خونان يقال انه خونان ابن عقيل من الخيوطيه من الدعاجين زي ما قلت وكانت نياقه في ماسل{جنوب الدوادمي باربعين كيلو} وكان ابن رشيد يرسل فرسانه لسبي نياق خونان لكن كل مابغوها ردهم خونان ويمننهم ماقدرو قالوا ياخونان النصيفه قال النصيفه لفلان وفلان{يقصد اخوان له }ثم راحوا ولارجعوا الا عقب ما توفي

[متعب العضياني]

ومنكم نستفيد

[مطلق الشيباني]

ماقصرت يابن العم وهل من مزيد

نبي نعرف عنه اكثر يا عيال العم

مع تحيات :- مطلق الشيباني ...

هو خونان بن عقيّل الدعجاني من ذوي خيوط ؛ كان عنده إبل لونها أسود وهي مشهورة في الجزيرة العربية بإسم ( أباعر خونان ) وكان ابن رشيد يتمناها ؛ فغزا على خونان وأخذ الإبل وقال
تسعين ليل نضرب العوص بالعصى لما وصلنا الى سجا وعفيف
اخذنا اذيال الخيل من عرض فودنا سود براطمها تهف هفيف
واباعر خونان اللي يذكرونها لا وصلها عد البعير يقيف

[مشعل بن حويد]

بيض الله وجهك يا بو ملفي وما قصرت