حلمي.....

[محمد عويض الثبيتي]

:




:




:


:

ينزف قصيدي و الجروح أقلامي=ما كل شاعر راكبه جنيـّــه
شعري غزيره من معين إلهامي=ما ينقطع دام المشاعر حيــّـه
النيـّـه اللي مثل لون إحرامي=والفكرة اللي حاشها جنبية
تخيلوا شكل البياض الدامي=بالفعل هذه حالتي الشعرية
يا هيه وقّف ما عليك إلزامي=بسألك عني وش تغـيــّـر فيـّـه
وش ذنبي اللي شفت فيه إجرامي=حتى تبيني أبتعد موليــّــه
البصمه اللي عانها في إبهامي=توثيق حبٍ شاهديه إهنـيــّــه
ما تدري إني لو طروك أمامي=تنزل دموعي منــّــهم عفويه
الشوق كائن يستعير أقدامي=و أمشي بكيفه حافيه رجليـّــه
خلى عيوني من خيال أوهامي=عين الطفل موعود بالعيديـــّــة
يا صاحبي ما تستطيع إفهامي=لا تعتبرها مسألة شخصية
الموت خلفي والقبر قدامي=ونهايتي باتت قريب إيديه
أضحك و أجامل وأنتظر إعدامي=وأنته تعيش أحلامك الورديـــّـة
وأحلامي الله من حلّاة أحلامي=يعني في بالك أبتحقق هيـــّـــه
حلمت بأنـّي شاعرٍ إعلامي= أنسب قصايد هالفقارى ليــّــه
وحلمت بأنـّي تاجرٍ وعصامي=نسبة زكاتي الحسبة المنسية
وحلمت بأنـّي حاكمٍ مقدامي=فتحت الاقصى بالقوى الغربية
وحلمت بأنـّي في النهاية عامي=همـّي بسيط وحاجتي مقضيـّـة
ودّي سكن ملكي قريب أرحامي=اللي على الإيجار حالة سيـّــه
الفقر ينقص من رصيد أيامي=أنا أشهد إنه هم ما به زيــّـه
حزمت بطني وإنقطع محزامي=ما هو بكيفي صابرٍ جبريــّـه
الدَين همـّـي والبنوك أخصامي=تضحك علينا بالصفة الشرعية
تمص دمي ليت فيه محامي=يرفع قضايا أقساطها شهرية
الحمد لله في بلد إسلامي=دستورنا وأحكامنا سنيــّـة
وشيوخنا أهل المقام السامي=أهل السيوف البتــّر المحنيـّـه
تاريخنا ما هو كلام أفلامِ=يشهد لنا بالقوة الحربية
عدونا لا جاء نهار الحامي=وإشتبكت الفرسان بالرجليــّـه
ينحاش منا صاغرٍ منضامي=ما هو كفو للدوله المحمية
الله حمانا من هياط الشامي=والعصبة اللي تهدف الشرقية
حنا فدا دارٍ تغيث الضامي=يفدا ثراها المال والذرية
وختامها بيتين رمية رامي=عوايدي في الرمي ميـّـة ميـّـة
يا الفاسد المندس يا العوامي=الفكر أجوف والحجج وهمية
أصلك هجين ومعتقدك إمامي=" حرام مثلك ياخذ الجنسية "

[عايض جزاء العصيمي]

صح لساااااااااااانك

[عبدالله جبارالعتيبي]

صح لسانك,,وعتلى شانك

قصيده وافيه

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[فيصل مطر]

مع ملاحضتي على بعض الابيات الان بعض ابياتها أجبرني على احترامها,وهذايدل على شاعرية القايل

الابيات الرايعه كثيره

ياهيه وقف ماعليك اللزامي=بسلك عني وش تغيرفيه

صح لسانك يابو عويض
انت رايع
تقبل مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[محمد الذيابـــي]

صح لسااااااااااانكـ

واعتلا شاااااانكــ

التوقيع

التوقيع محمد الذيابـــي

[محمد عويض الثبيتي]

عايض العصيمي



صح بدنك أخوي ولا هنت على المرور

[محمد عويض الثبيتي]

عبدالله جبار العتيبي

صح بدنك و لاهنت


مرورك الوافي

[محمد عويض الثبيتي]

الشاعر الكبير / فيصل مطر

حضورك ومرورك المشرف

شهادة أعتز بها وأفتخر بها


لا هنت وكلامك على راسي

[محمد عويض الثبيتي]

محمد الذيابي



صح بدنك ومرورك فخر

[المفتش]

ياهيه وقف ماعليك الزامي = بسلك عني وش تغير فيه

صح لسااااانكـ