شاعر يريد المحاوره هنا وتحدي شعراء المنتدى

[سعد الرويس العتيبي]

الا والله الا شفت ذيبآ دايم (ن) حول الشعيب=ايجر صوته والعرب ماهابته رعيانها
انتم خوال الحضرمي والحضرمي منكم قريب=بايع عشاه وكل لقمه عارفن اثمانها

[شامان السلمي]

حـنـا بـشـر فـي عـدنـا مـافـيـه حلـف ولا غريـب

ولا نـنـكـر الـعـتـبـان لـو تـمـوت فـي شعـبانـهـا


الحضرمي منكم شبابي عود من شجره رطيب

اطبــوعكـم ماهـي لنــا عــان الحقـيقـه عـانــها

[سعد الرويس العتيبي]

خلك على راس الجبل وخذ الكلام من الاديب=راس زعامه والكرامه والفخر جدانها
الحضرمي ماهو شبابي كيف تكذب ياغريب=وانته قريب منك حتى اللي عوج دخانها

[سعد الرويس العتيبي]

صح لساااااااااااانك ياشامان وتصبح على خير ورانا دوام

[شامان السلمي]

انته رويس اعلم ترا كل(ن) من اسمه له نصيب

ياهل الخيام اللي مع الديره تسوق اضـعـانـهـا


عن نفسك اهــرج عن شبابه لاتكــلم يانــديـب

ثــم انشد الشيـاب وتعلــمك عن سيــســانهــا

[سعد الرويس العتيبي]

انا رويس ماعليه منك ياراع الربيب=اصل وافصل وام المعارك قد مسكنا ارسانها
ظلمت حظك ياردي الحظ وانته راس عيب=ماجبت الي علمن صحيح ولانت حول اوطانها

[ناصر الشلاحي]

صحت اللسنتكم
شامان السلمي
سعد الرو يس
محاوره جزله و حماسيه و ممتعه

[سعد الرويس العتيبي]

المشاركة الأصلية كتبت بواسطة ناصر الشلاحي

صحت اللسنتكم
شامان السلمي
سعد الرو يس
محاوره جزله و حماسيه و ممتعه

صح بدنك وبيض الله وجه من مر على هذي الصفحه سوى رد او لم يرد

[محمد ناصر الأكلبي]

صحت الالسن جميعا

[محمد الذيابـــي]

صحة الالسن جميعاً,,,

التوقيع

التوقيع محمد الذيابـــي