الــــــــعــــــــــــام خيلـي لشجاعـة مساريــــــج

[سهيل بن غانم]

البارحه نومـي بعينـي سواهيــــــج*** ماذقت حلو النوم من كثر الافكـــار

نهج بي الهاجوس بعض المناهيج ***وسريت في بحر الهواجيس مشوار

العام خيلـي لشجاعـة مساريــــــج***واليـوم لاوالله مهـون ومنهــــــــــــار

والله ماناقـص عليـه محـاويـــــــــج ***ولاهي بضده من طويلين الاعمــــار

اسباب من توج به الزين تتويـــــج *** متوجآ بالزين مـن وال الاقــــــــــدار

زينه طبيعي مادهـن بالمكاييـــــج ***وانا على حبه تجرعت الامــــــــــــرار

حبه فلج صدري من العام تفليــج ***ثم اختفى فالقلب عن كل الانظــــــار

من خوف تدريبه خبولن دلابيـــــج ***نقالـة النمـه مقاريـد الاشــــــــــــــرار

مروجين الزور والكـذب ترويـــــــــج***يسعون بالفرقا على شان الاضــــرار

الكل منهم له طريـق ومخاريــــــج ***مافيه لاحشمـه ولا فيـه مقــــــــــدار

اللي على ماقيل ماهـر وخريــــج ***فالكذب والبهتان بيـاح الاســـــــــــرار

يالله يالي تفرج الضيـق تفريـــــج ***عن جنة الفردوس تجزاه با النــــــــــار


سهيل بن غانم

[قـنـاص الـقـوافي]

يالله يالي تفرج الضيـق تفريـــــج ***عن جنة الفردوس تجزاه با النــــــــــار

لاحووول هذي والله الدعوه

صح لسااانك يابن غانم ولاهنت
والجزل لايأتي الا بالجزاله دائما

تحيتي لك

[محمد الذيابـــي]

صح لسااااااااااااانكــ


شاعر لا ياتي الا بالدرر الثمينه


كل الشكر لك,,,,

التوقيع

التوقيع محمد الذيابـــي

[جزاع العتيبي]

.
.

صح لسانك يا سهيل بن غانم

طيبه من راس طيب

[ذعير العالي]

صح الساااااااااااااااانك
قصيده جزله من شاعر جزل

[عايض جزاء العصيمي]

صح لسانك ياسهيل والله يعينك

[فيصل مطر]

صــــــــــح لســـــانكـ

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[ابو فايح]

يالله يالي تفرج الضيـق تفريـــــج ***عن جنة الفردوس تجزاه با النــــــــــار


والله الدعوه اللي من قلب هههه


صح لسانك مدد بلا عدد

[سهيل بن غانم]

قناص القوافي>>محمد الذيابي>>جزاع العتيبي

عايض جزاء العصيمي>>فيصل مطر>>ابوفايح

شاكر ومقدر لكم مروركم مع الاحترام والتقدير