السلام عليكم ورحمة الله وبركاته .
أرسلت ابيات لـ الشاعر القدير / عادل ضيف الله الاسعدي ( ابو زايد )
ابيات .. " ورد علي " وهذي الابيـات
عسى ان تنال لو بليّه من استحسانكم < [ تاعبٍ على كلمة بليّه ] :d
هواجيس وأفكار وعنـا تنتج الأبيات = على طابعة صدرٍ تعب في طباعتهــا
يغنّي مع الحاضر .. ويبكي على اللي فات = ويضحك مع الدنيا .. ويقبل سلاعتهـا
يمر الشهر في يوم واليوم في ساعات = ودنياه حفـره ماعرف .. وين قاعتهــا
تجاوز ظروف الوقت بالصبـر فالشدات = وكم طعنةٍ جآته وضيّع وداعتهـا
ولولا الفرس والرمح والسيف والقوّات = يديـن الشجاع إشلون .. تعرف شجاعتها
أخذ من عقود العمر عقدين وشويـات = لكن باع باقيهــا ،،وعــزه بضاعتهـــا
يابو زايد ..الاوقات ماعاد هي بـ اوقات = سنه جآتنا وأقفــت ومكثر بشـاعتهــا
قرينا سمعنا .. كل ماجابت النشـرات = قنـاة الجزيـره .. يقطع الله اذاعتها
يمر الزمان وينطوي عمر في لحظات = ونفس البشـر زادت عليها .. طماعتها
تضيع أثمن الأوقــات فـ اللهوّ واللذات = ونشره على سرع الدقايق وساعتهــا
يموت الأمل .. واليآس فـ قلوبنـا مامات = في نفوسنا رغبـات نخضع لـ طاعتها
عسى الله يصبرنـا على شنـّـة اللوعات =سنه جاتنـا وأقفت ومكثــر .. بشاعتهــا
هذا رد ابو زايد دوكم ..
هواجيس ضيف الله بعد ما اسفهل وجات = ضُوَت بـ . اثمن الابيات وأظهر برَاعتهــا
زرع بذر جزل القول .. في داخله بـ إسكات = ويجني ثمـاره والسبايب زراعتهــا
مرور الليالي من قبل عصرنا بالذات = ولا غيّــره غير النفوس وقنــاعتهــا
تتوه العرب بين الحقايق وحب الذات = ومن شان حب الذات .. ياكثر اشاعتها
على ماحصل فالوقت .. يامكثر الآهات = تبا تبطي قلوب اليتــاما ،، براعتهــا
تظاهر، وتفجيرات، وأحزاب دوك وهات = مصالح نفوسٍ طاغيه .. من جشاعتها
توّفو وهم حيين فوق الثرا عالات = وضاعوا ، وصار الغرب يرقص لضَاعتهـا
وقنآواتنآ تركض من اقمار نايلسات = تسابق على جمع المصايب وذاعتهــا
يجي علم معه إثبات .. وعلوم دون إثبات =تبثـّه على عِيوُن الخلايق ماراعتها
بدا الوضع .. فالموصل .. وتونس .. وفي مسرات = وشفت .. اليمن .. والشام .. ضاعت مناعتها
يقولون : مصر أم الحضارات والخيرات = وأنا آقول عان الوقت يرسم مجاعتها
ياضيف الله .. أجسام العرب مالها هامات = وتبقى المعاضل فالنفوُس وقنآعتهــا
وسلامتكم
« آخـــر الـــمـــشـــاركــــات »
24-Nov-2011, 10:35 PM
صوت وصدى مع الشاعر القدير
العرض العادي
