أهكذا يكون رد الجميل مارئيكم في المعجل والدعجاني

[السالمي]

هذه القصيدتين (مراد) بين الشاعر محمد بن بدر الظريف الدعجاني والشاعر زيد بن عضيب الدعجاني
وقصة القصيده كما جأت على لسان الشاعر زيد بن عضيب يقول زيد بن عضيب زارني في مستشفى الشرق بالخبر ابن عمي / محمد بن بدر الظريف الدعجاني وكنت مصاب باصابات خطيره من حادث انقلاب سياره اثناء مطاردتي لاحد المهربين وانا اودي واجبي في قطاع سلاح الحدود بالمنطقه الشرقيه وعندما لمس ابن عمي موقف ( المعجل ) معي هاضت قريحته بالابيات التاليه وذلك عام 1390 هـ

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هاض دالوب الحشا بالغيض صاعه=من دواليب الحشا اللي يخلفني
يوم جا علمن من الغالي مراعه=اتصبر والعيون يعبرني
كن سم الداب وسط القلب زاعه=هل دمع العين والباقي يكني
واحمد اللي بدل الضيق بوساعه=انسمح بالي وبال اللي شحني
خل يابن عضيب هرجك بالاذاعه=سجله يوم المثايل سجلني
ابن معجل صار لك مثل البضاعه=مرخص كيس الذهب في كل فني
ليتني وياه من لم الجماعه=اوجدودي من جدوده يقربني
ماجلست بمجلسه لو كان ساعه=مير فعول الخير لازم ينشرني
يادعاجين انشروا فعل الشجاعه=من يعرف يقول ف المعجل يغني
حطها في روسكم مثل الوداعه=راعي المعروف وش يجزاه عني
ساعد ابن عضيب يوم الوقت لاعه=وانقذ اللي طاح في المركز يوني
سنع الدكتور مع راعي الاشاعه=ماتنا التحقيق لين يكون فني
حقه البيضا على راس الشعاعه=مع صواريخ الفضا ويوزعني
ان بغي حقه معه شكر وبراعه=سنعه يازيد واخذ الحق مني
الظريف يقول هرج بالوقاعه=مير سامحني على مازل مني
[/poet]
( هذه قصيدة محمد الظريف رحمه الله )


وهذا رد ( زيد بن عضيب الدعجاني رحمه الله )
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مرحبا يابو بدر سبع السباعه=مايوقف في طريقه كل جني
ياهلا بك عد مايبذر زراعه=وعد نبت الوسم برياض روني
مخلص وواصل ولا فيكم قطاعه=بالحميه والوفا ماخلفت ظني
يالحرار اللي مواكرها الرفاعه=لاوجب حل الهداد يدسمني
رفقة الطيب لنا فيها طماعه=لو نزحت بعيد قلبي له يحني
والرجال اهل الوفا واهل البتاعه=ف اللزوم افعالهم مايغتبني
من يروم الجود مايقصر ذراعه=مثل ابن معجل جميله مايمني
يوم حر الموت غرغرني نزاعه=بالمروه قام لي واهتم مني
دبرة المعبود مامنها جزاعه=واشكر الله عدة نجوم بدني
[/poet]

[أبن مفلح]

صح لسانك يالسالمي وكم نحن بحاجة الى مثل القصائد لترى النور بكل صراحة وانا اقرى اسم الظريف تبادر للذهن اخي وحبيبي وابن عمي المرحوم /خالد الظريف الدعجاني
ويعلم الله كم امسك نفسي وانا اشاهد اخوانه بندر ونواف فكل شئ فيهم يذكرني به حتى صمتهم اذا كان صمتهم يألمني فمابالك ان احدثهم تلومني حين اهرب من مواجهتهم
ختاما اشكرك من كل قلبي
ابن مفلح
الرياض

[ابن مفلح-22]

الله يرحم شاعري القصيدتين ويجعل في اولادهما البركه

محمد بن بدر الظريف الدعجاني العتيبي وله من الابناء:
بدر - فيصل - حسين - عبدالله - خالد (توفي رحمه الله) - بندر - نواف

زيد بن عضيب الدعجاني وله من الابناء:
خالد - بدر - احمد - سعود - فهد

[السالمي]

أشكر الأخوه أبن مفلح و ابن مفلح-22

على قراءة القصيدة والرد. وأسئل الله أن يرحم الشاعران ويغفر لهم ولجميع موتا المسلمين

[فيصل محمد]

محمد الظريف وجه من الوطن.. نجدي في طباعه.. هين لين يمثل الجيل الرائد..
في يوم رحيله.. بكت العيون.. وفجعت القلوب.. وركزت اللوعه في النفوس.. ورددت الألسن..( يرحمه الله )
هذا غيض من فيض في سيرته.. يغفر الله ماتقدم من ذنبه وما تأخر.. ويدخله فسيح جناته مع الأخيار الأبرار.. ويطهره من الذنوب كما يطهر الثوب الأبيض من الدنس..