المحيط الهادي

[مرزوق بن دحيم]

المحيط الهادي

يالمحيط الهادي الوقت العَوَج يسرج خيوله=وجيت يمك مابقى حيله ولا فالحال حيل
جيت منهك والهموم بداخلي عشرين دوله=حاصرت قلبي وأنا حاير على بيداء الرحيل
جيت والخطوات يمك بالتعب تمشي كسوله=اشعث وللهم في صدري من الضيقه صهيل
كل نظره من عيوني بائسه وجله ذبوله=راجعه من رحلة الصبر المسمى بالجميل
والصخب في وجه حظي كيف أجيه وكيف أقوله=والزمن جاير وأنا حلمي على الواقع فضيل
أسحب أذيول التعب والحزن تضرب لي طبوله=حاير العبره وجيتك من عناء وقتي دخيل
وكل كلمه في لساني شفتها تاقف خجوله=غير عندك لو نهاري في نظر عينك طويل
يا وديع السر يا صدر المحيط ويارسوله=ويالخليل اللي مكانك يدحم أضلوع الخليل
تايه الخطوه عيونه تلتفت يم الطفوله=ولا لقى من زحمة الحاضر مفر ولا سبيل
الفراق يسم حالي والعرب حولي جهوله=وكل ما مالت بي الحيله عرفت المستحيل
إنكسار الرجل صعب ولكن يحدد وصوله=لأبتسم لأحلامه البيضاء على حد المخيل
بالعزيمه ياصل ويملك من القوه حلوله=إن غدى مضرب مثال ولا يجي بعده مثيل
يالمحيط الهم وإن زادت على كتفي حموله=صرت أشوفه صاغرن قدامك وجسمه نحيل
داخلٍ بالله عليك الموج يغريني ميوله=وإن خذاني فأعرف إني حي لو جسمي قتيل
جيت أفضفض ما هويت ألا المكارم والبطوله=وماعطيت السر غيرك لا كثير ولا قليل

مرزوق بن دحيم

التوقيع

الحر عينه يم روس الطويلات=ماهيب عينـه مثل عين الجراده يقديّ أكبر منـه راي وقنـاعات=الشـور شوره والمراجل شداده

[برررق الحيا]

صح السانك الشاعر مرزوق

إبداع * إبداع

جزالة مفعمة وقوة ومعنى

استمتعت بقراءتها مرارا

تحياتي

[أبن حشيان]

ابو دحيم



مناجات للميط خجوله ولاكن جريه في نفس الوقت


عمومن اتمنا من المحيط ان يسمع منك ويقدر وضعك المعنوي ويشوف لك حل عادل ومرضي



تقبل تحياتي يالغالي

آخر تعديل أبن حشيان يوم 20-Jul-2011 في 05:30 PM.

[محمد الذيابـــي]

صح لساااااااااااانه

التوقيع

التوقيع محمد الذيابـــي

[فايز بن سرحان الثبيتي]

جيت والخطوات يمك بالتعب تمشـي كسولـه
اشعث وللهم في صدري من الضيقـه صهيـل
كل نظره من عيونـي بائسـه وجلـه ذبولـه
راجعه من رحلـة الصبـر المسمـى بالجميـل



راجعه من رحلة الصبر المسمى بالجميل
راجعه من رحلة الصبر المسمى بالجميل



الله الله الله

ارويتنا شعر


صح لسانك يامرزوق

رسمت لوحه شعريه ناااادره

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[متعب الند]

صح الساااااااااااااااااااااااااااااانك .. وعتلى مقدارك على قولة الذيابي....

[مرزوق حمدان العتيبي]

..

.
صح الله لسانكـــ وبيض الله وجهكـ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سعد بن مطلق المقاطي]

صح لساااااااااااااااااانك

التوقيع

ديــــــــــــــــواني