 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
14-Jul-2011, 04:20 PM
|
رقم المشاركة : 1 | |||||
|
قصايد جميله ومشهورة في الخيل الاصايل
بسم الله الرحمن الرحيم
هذه قصايد لشيوخ وفرسان مشهورين في الخيل بخيت العطاوي : ( ينتخي بفرسه ويمدح ) واسابقـي لاصـاح صايـح ذيــره كــلّ يـخـمّ عنانـهـا عـجـلان ياسعـد والله مـن يـلاوي راسهـا ليا صار مـن يـمّ الخطـر شفقـان تركي بن حميد : ( قال في فرس له حين أصابها الضلع أو العرج بعد لقاء عدوّ له ) يامسندي بالضّيق يازين من جـان لو به صديق قـال لعـلّ مابـاس على جواد ضالع غـبّ الأكـوان فيه أختلط حبل الرّجا اليوم والياس جندرتها من فوق مسكن وريحـان وانا لها من لـذة النـوم حـرّاس ماني مجندرها على زود الاثمـان الأ بيـوم فيـه الاريـاق يبّـاس عبد الكريم الجرباء : ( حين طلب منه مفوض الدوله العثمانية فرسه الكحيلة بثمن أو بغير ثمن ولم ينصاع له وقال: ) أرسلت لـي يابيـه خـط يـروع تطلب عذاب ملاويـات الفـروع أبغي الـى ماحضبـنّ الجمـوع أثني عليها مـن جمـوع الطّنايـا يابيـه ماهـي قنبـر بالصحـون هذه الكحيلة مثـل عنـز البـدون البيـع والله مانبـيـع الكحيـلـة ألأ ولا نصخي بهـا ربـع ليلـه مطلق الجرباء : ( يحاور فرسا له على لسانه ولسانها ،حين أصابها العمى وحول علاجها ولم يستطع ذالك ) قـم يازقـم يالعيـط دوّر دوانـا لمّ الاغات اللّـي تـداوي عمانـا ياليت ربّي بالعمـى مـا ابتلانـا ليت العمى بعيون خطو الرّدوحي يا لعيط لا تنسى الفعول القديمـه لي جن طفّح مع خطاة الخريمـه أكفيكهـن وأحـوز كـلّ الغنيمـه يوم السطل بدماغ راسـك يفـوح فيجيبها قائلا : ياسابقي فعلـك فلانـي مناسيـه وجميلك اللي فات منيـب كاميـه لو العمى يذكـر طبيـب يداويـه لوهو طويل ولاتطولـه شبوحـي لو حال من طوله بحور طوامـي أو حال دونه موحشات المطامـي لو بالمثل مالـي جنـود تحامـي أبذل لك المجهود وافديك روحـي ضيف الله بن حميد العفّار : ( يصف ويمدح حصان له ) ياسابقـي حالـي سـويّ لحالـك حبك صبغ بالقلب ماهو بتسميـك شريت من زيـن البيـادا جلالـك وخضر يوقّنّ الحفا عن مواطيـك ويازين ضفّة في شمالـي حبالـك ويازين باشنـاق السّبايـا مداليـك غبر السّبايا قيلّـن فـي ظلالـك ومن وسع صدرك قيّلن بين اياديك مشعان البرّاق العتيبي : ( يصف ويمدح فرسا له ) ياسابقـي ليتـك بصـدري تويقيـن أكـود تبـديـن الخفـايـات لـيّـه أمّك نحيت الحصـن عنهـا زمانيـن يـوم انتحـوا بابـوك وابعـد عليّـه راكان ابن حثلين : ( يرثي فرسا له ) الكبـد قاليهـا مـن الحـزن قالـي وقلب الخطا كنّه على واهـج الكيـر على جـواد مثـل ضبـي الرمـالي مثل العنـود اللـي تـربّ الدعاثيـر العنق عنق اللّـي شطنهـا الغزالـي واذنيـن مثـل مفلقـات الكوافـيـر والصدر حزقين مـن البـز غالـي أوبـاب حضـر ربّعـوه النجاجيـر وذرعـان مثـل ملحّيـات السيالـي وسيقـان مثـل مهدّفـات النواعيـر جنوبهـا عـدّت بـنـوق الـجـلالي والحارك أشعى مثل رسم على بيـر وجنبيـن ماقاسـت عليهـا الحبـالي ولا وثّرت فيها ضـروس الشوابيـر والذيـل هملـول قـفـاه الخـيـالي في عرض مطّار حقـوق الشخاتيـر والقيد مـا عـدّ علـى اربـع قفـالي وحوافر يزهـن سـدوس المساميـر لكنّهـا لامـن زواهــا الجـفـالي قرناس أهوى مـن رفيـع المواكيـر وقال ايضا : ( يصف حالته وحالت فرسه حين اصيبت بالضلع ) الله مــن عـيـن تـزايـد عـنـاها قلب الخطا شفته عن الزاد منصاع من شوفتي حمراي تقصـر خطاهـا ومتغير زيـن التخلخـال باضـلاع ياسيـن يايـد سابقـي ويـش جاهـا عسـى لهـا رب المقاديـر مـنـاّع ما ادري سبب أو لطمة فـي حذاهـا أشوف قلبي عقب ها الضلع مرتـاع الهقـوه انـه عيـن قـرد رمـاهـا مانيب من اللّي دبر الـرب جـزّاع ياليـت مـن يـدري بغايـة دواهـا وانـه يـدوّر بيـن شـاري وبيّـاع أطلب عسـى مـولاي يدفـع بلاهـا الخّيـر اللّـي للمقـاديـر دفّــاع السابق اللّـي شـفّ عينـي مناهـا لاقربـوا لسروجهـم كـل مطـواع لاقربوا قحص الرمك مـن كساهـا دنّوا لي اللـي كنّهـا عنـز مقطـاع لا شافـت القنّـاص غـرو رفاهـا وحقت على زوله معـا سـدّ متبـاع جـوادي اللّـي كـلّ شيـخ بغاهـا ولانـي لعلـم اللـي يبيهـا بسمّـاع تهيالي الحمراء وانا أقصـى هواهـا لاطار ستر مخوتمه عشر الاصبـاع لاجـات حـزّة ساعتـه مـاوراهـا عند التوالي تعتـرض مثـل فـرّاع عند الطحوس اللي هفت في غذاهـا والخيل من ضرب المزاريق خـرّاع ويمنى يقصـر فعلهـا عـن حكاهـا تعدى عن السمن المذوب الـى مـاع وان كان غب الكون ماطري نباهـا تقصر عن الفنجال ابو خمسة انـواع وقال ايضا : ( حين طلب منه الامام عبدالله بن فيصل احدى أفراسه الغالية عليه ) ياسابقـي طالبـك ولــد الامــام لاسامـع قولـه ولانـي بمهـديـك لـو سـام بميـة بـكـرة بالتـمـام حلفت انا بالبيع مـا اهفـي مثانيـك ان زانـت الدنيـا وهـبّ الــولام تاتي معي حمـر الطرابيـش تتليـك واقـوم لـك بالبـر عجـل شمـام باكر على خيـل الفداويـة أصّغيـك عجران بن شرقي : ( يرد على قصيدة راكان السابقة ) الله يالحـمـرا يجـيـب الـوسـام حتّـى بـراي الله سريـع نقاضيـك لابـد مـن يـوم يـثـور القـتـام في ساعـة فيهـا تثـور المشاويـك ناصر بن حبينان : ( يقول عن اكرام وتربية فرسا له ) الخيـل عـزّ يامربـيـة الاتـيـاس ياللّـي صبوحـك تشمطـه بالرّثيـه لاصاح صيّاح على هجعـة النـاس والبّل بعيـد ، ودونهـا جـر هديّـه نركب على اللّي وصفها مثل الاقواس واللّي علـى رجليـه يبسـت شفيّـه محمد بن هادي : ( عندما غضب الامام فيصل بن تركي عليه اهداه فرسا وحصان يسترضيه ) يالله يامنـشـي مــزون طهـايـف افرج لمن هو مايجـي درب منقـود أدنيـت انـا الحرقـا وقلـت نايـف وردّوا علي الهدو ما ابغي لـه ردود نايف على اسمه جا عديم الوصايـف منفّله ربـي علـى الخيـل بـه زود أبـوه سبّـاق لخـيـل الطـوايـف وامّـه ثمنهـا تسعـة ألاف منقـود عضيب بن حشر القحطاني : ( يمدح فرسه ، وقد نسبت القصيده الى أبنه ) ياسابقي حبـك مقيـم علـى سـاس مولّـع فـي حبـك القلـب توليـع حلفـت لوسامـوك بفلـوس عبّـاس اني شفيع فيك لا اصخـي ولا ابيـع ولادخل قلبي مـن البيـع هوجـاس وان زودوا لي بالثمن قلـت ماطيـع ياما حلا لا شلّـت الذيـل والـراس مثل المهـاة اللّـي تهـاب المتابيـع ريميّة شمّـت مـن الريـح نسنـاس حلّت على زول المبندق مـع الريـع والاّ كما شيهانـة تبغـي الأفـراس جول هـوى تبغيـة قـدم التواقيـع باغي الى جانا مـن القفـر عسّـاس وسميّـة فيهـا الزبيـدي مصالـيـع وانا عليهـا قـدم الاسـلاف نطّـاس لا جات حزات الفـزع والزعازيـع لا صوّت الصّيـاح بـاد بـالارواس يفرح بي الذّود المطرّف الـى ريـع والـى لحقناهـم والاريـاق يبّـاس مركاضنـا ماهـو بهـوز وتماتيـع اخوكم / ابو مسلط الذيابي |
|||||
|
|
|
|
|
|
|
|
|
|
17-Jul-2011, 07:13 PM
|
رقم المشاركة : 3 | |||||||
|
وهذة للشريف عبد الله بن زبن الحسيني ايضا
مشكور يابو مسلط
آخر تعديل محمد الذيابـــي يوم 17-Jul-2011 في 07:15 PM.
|
|||||||
|
|
|
|
|
|
|
|
|
|
|
17-Jul-2011, 09:59 PM
|
رقم المشاركة : 4 | |||||
|
وهذه قصيده لفارس عبدالملك بن محمد بن عطيه السعدي الهوازني.قالها عندما أرسله مروان بن محمد لقتال الخوارج فالمدينه ~
قـل لأبي حمزةَ هِيْـــد هِيـــدِ......جئنـاك بالعـاديـة الصِّنْــديـدِ بالبطل القَــرْم أبي الواليد......فَـارِسِ قَيْسٍ نَجْــدها المعـــدود في خيلِ قَيْسٍ والكماةِ الصَّيْــدِ......كَـالسَّيْف قَــدْسُـلَّ من الغمـــود مَــحضٍ هِجَـانٍ مـآجِـدِ الـجُدودِ......في الفـرع من قَيْسٍ وفي العمـود فِــدًى لِعَبْـد الملك الحميــد......[...]مَن الطـــارف والتليـــدِ يـوم تَنـازِي الخَيُلُ بـالصّعِيد......كــأَنــه في جُنَنِ الحديــــــد سِيْــدٌ مُــدِلٌّ عَــزَّ كُلَّ سِيْـدِ[93] الله يعطيك العااافيه على الطرح القيم يامسلط ولاهنت.ولاكن كان يفضل لو خليت الموضوع خاص بشيوخ وفرسان عتيبه وحطيت الموضوع الموضوع(الخيل في قصايد شيوخ وفرسان عتيبه)~على العموم بيض الله وجهك وماقصرت~ تقبل مروري:وننتضر جديدك أخوووووووووك |
|||||
|
|
|
|
|
|
|
|
|
|
|
23-Jul-2011, 06:10 PM
|
رقم المشاركة : 5 | |||||
 |
مشكوررررررر.. وتقبل خالص تحياتي والخيل عزها اليوم الدين
آخر تعديل متعب الند يوم 23-Jul-2011 في 06:11 PM.
|
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
