الليل ياشعارنا ....

[عايض النفيعي]

بتابع معك ياخالد ولا هان الحربي

لكن انت اللي سبقت اول

[ابراهيم الحيسوني الحربي]

من سبق لبق



متابعيييييييييين

[عايض النفيعي]

الليل ياخالد ......

[خالد الزيد المكودر]

المشاركة الأصلية كتبت بواسطة عايض النفيعي

مرحبا بالشاعر اللي مايكثر فالخطاوي=يقتنع باللي حصلّه والسوالف وش تبيها
ان بغيت العلم هادي وان بغيته علم كاوي=اطلبه وازهل بيوته عند عايض يشتريها

آسف يا عايض طلعت ما شفت ردك:

البقا بك يا رفيقي و الامر أمرن سماوي= و القناعه كنز ما تفنى مع اللي يحتسيها
عد نفسك يا رفيقي واردن بيرن رهاوي= كيف ترسلها تعوِّد و انت رجالن نبيها

آخر تعديل خالد الزيد المكودر يوم 12-Jul-2011 في 03:08 PM.

[عايض النفيعي]

انت قحطاني تعاند لك من عتيبه نداوي=استلم فالصندقه والامر من راسي بيجيها
قد سمعت العلم مرّه والعلوم ابها غناوي=علمكم يومك طلعت الضلع والبنت اتعليها

[خالد الزيد المكودر]

المشاركة الأصلية كتبت بواسطة عايض النفيعي

انت قحطاني تعاند لك من عتيبه نداوي=استلم فالصندقه والامر من راسي يجيها
قد سمعت العلم مرّه والعلوم ابها غناوي=علمكم يومك طلعت الضلع والبنت اتعليها

أنت يا عايض تراك اليوم في مسراك غاوي= و نعم في قحطان لكنِّي أنا ما أعتزيها
القضاعي ما سمعتوا عنه يا قوم العراوي= و علمكم هذا له اهله و البلا في سامعيها

[عايض النفيعي]

قلنا وش ربعكم ياجعل تاتيك الرخاوي=ولا تعزوة فيك ربعك ماتحصّل منك تيها
ماسمعك العازمي لو كان يسمعك الجلاوي=دام عايض في سندها والله ان تسمع حكيها

[خالد الزيد المكودر]

المشاركة الأصلية كتبت بواسطة عايض النفيعي

قلنا وش ربعكم ياجعل تاتيك الرخاوي=ولا تعزوة فيك ربعك ماتحصّل منك تيها
ماسمعك العازمي لو كان يسمعك الجلاوي=دام عايض في سندها والله ان تسمع حكيها

لا تلوِّي في حنوكك كن حاش البطن لاوي= و ربعي الها عزوتن تشفي متى ما تنتخيها
خل عنك الغير، قل لي يا ترى ويش انت ناوي؟= انت في حضرة رجالن توجعك بسطة يديها