مجاراة ,, ولكن ,,!! عيارها ثقيل

[عبدالمجيد العطاوي]

,,

قصيدة ,, فريدة ,, مجيدة ,, للشاعر : محمد غازي النخيش العتيبي

,,

البـارحــه و النـاس في حلـو المــنام=عيــني سهـيره ما هـنت في نـومــها
اجاذب الـونـّات وضـلـوعي حــطـام=تـشب فيـها الـنـار حسب هـمومـــها
وأنا هــمــومي زودت فـي الســقام=ماغـيــر احايــلـها على منـضـومــها
ماهـوب من خـلٍ ذبـحـني بالــغـرام=وأركـا على كبــدي وزاد أوسـومــها
من هالزمن يومه عرضلي بالـسـهام=شف حالتي من صكـته ما ألـومـــهـا
وقت يشـيب الورع في سن الفطام=كيــف الرجال اللي جـزال علـومـها
تغـــيرت فـيـها المفـاهـيم العـضـام=و ضـاعت تقـاليد العرب و سلومـها
شوفـو معـالم وقفـتي مثل الغـمـام=اللي ريــــاح الوقـت ضد قدومـــها
تلــفـــها لفـــه و تودعـــهـا ركـــام=و تغـيب مـا يبــقى ولـو أرسـومــها
وقـــــت رياحـه ضد عاليـن المقـام=تنفـض جـزيل العـرف لـين يرومـها
مـن بــرق بوقـته و يطـمح بالسـنام=يعذر منه من عقـب وقـع أسهـومها
ماهيـــب لـه للي يخالـف فالنضـام=ونفسه على درب البلاسـه هـومـها
حـزنت لجل اللي طـمـوحه لـلأمـام=اللي على الطـاله لـحم ملـحومــها
واليـوم في وجهه تعكر وانقـــسام=بعد الخلايـــق غـــيرت مفهــومــها

وهاذي مجاراة لها من الشاعر : محمد طلال المقاطي العتيبي

,,

لا ياولـد غـازي عليك اثـني السـلام=عداد غرّا(ن) ما وقف ديمومها
هيضـتـني و انـا على راس الــدوام=كــّنك تقـصـد عـلتــي و وهـومـــها
البـارحه مـا نيـب من ضمـن النـيام=الكــبد شبت و الحـنايـا جـرومــهـا
ياوجـد حالي لا انسدل جنح الضـلام=وشفت الضلوع تضيق فيها هدومها
وجد الفقير اللي قضا فرض الصيام=وأمست عجوزه مالـقا مطعومــهـا
ركــابــنا بـ الـهـّم مـن مبـطي حيـام=وفــياض هـمي كل يـوم تحـومـهـا
ماهــوب من حــبّن جذبني للعـدام=وأركـالي الميـسم وزاد رقــومـها
من هالـزمن يـومه بـراني بـالهـيام=لـلـخـوّه اللـي مـحتمي زيـزومـهـا
ومن وقتنا اللي يشيب له راس الغلام=ما فـاز في الـدنيا يـاكود رخـومها
كيف الرجال اللي على العليا همام=وأكـبـر مـصـيـبـه مـاتـهد عـزومها
تــبـدل الــحـق وتـلعثم بـالـكــلام=عيـن الحقـيـقه تنعمي بـثـلـومهـا
قصـر الأصـاله بالفتـن روّح هــدام=القـاع جاها السيل طم حزومـها
أويـيت لجل اللي لـه العليا مــرام=يسـبح بحــور المرجلة ويعـومهـا
وقفـتك يبـن العـم للضايـق حـزام=الـمعسره عنـدك قـضـا مـلزومـها
وقـتن صدوفه مـا تضـد الا الـكـرام=تركي عـليـنا اهمومها واغمومها
لا كلحّت سقنا لك ركـاب الجـهـام=رد على الـهـيـلا تجيك قـرومـهـا
أن كان خشم الوقت كوبر بالعرام=جـاتك هل الـعوجـا تثـني كـمومـها
الذيب لا اقنـب يندفن رأس النعام=لك لابتـن يسـعد بـهـا مضـيـومـهـا