ونيت ونه مالها طب وعلاج للشاعر زيد نيف الرويس

[حمودي مصده]

ونيت ونه مالها طب وعلاج = وكل الدكاتر مالقولي علاجي
ومن ظيم وقتي صابني هم وزعاج = الهم والهاجوس عكر مزاجي
كني غريباً مسكنه ساحل العاج = ماله صديق في ديار الخواجي
على وليفاً وسط الاسواق ماداج = وسط العذاري حط نجمه وتاج
خده طبيعي مابعد حط مكياج = عقبه شرابي في زماني هماجي
ادعج غنج بالمزح والهرج غناج = غرو ٍ صغير وكل هرجه غناجي
يلومني في حبها كل هراج = اللي قضى عمره يربي النعاجي
خطو البخيل اللي لياجاه محتاج = يروح للمطعم وياخذ دجاجي
ارجي من المولى يعجل بالافراج = ومن سجن عرعر يصدر لنا انفراجي
ونترك دياراً ضيعتنا بالامواج = داراً مطرها كل يوم عجاجي

هذه القصيده للشاعر :ـ زيــد بن نيـــف الرويس