لولاي ادله خاطري

[شامان الروقي]

هذ رد الشاعر محمد بن غميض واعتذر عن التأخر في اضافة الرد والا الشاعر لم يتأخر في الرد

سلام ياحر (ن) طلع فوق مشراف=وساق البيوت الكايفات اللطافي
ووجه نقيات المعاني والاوصاف=وبهر مكاتيبه بزين القوافي
الشطر الاول حط قافه على اف=والشطر الاخر حط قافه على افي
وخصص لي المرسول بالوزن والقاف=وصحى شعور(ن) جاله ايام طافي
شامان طير(ن) للصعيبات خطاف=واسلوبه وطرقه اسلوب احترافي
نسل الشرف من منبت(ن) كله اشراف=يشهد لهم فعل السنين العجافي
من روق طيب ساس واجذور واطراف=اعتيبه الهيلا سند كل لافي
دين وخير واحتوى كل الاصناف=وفعله مع اهل الخير بالطيب ظافي
يابو عمر تنشد وانا مابي اخلاف=اظروف مرت وانتهت بالعوافي
ولابد لي ياذرب الايمان منكاف=لاهل المراجل والقلوب النظافي
اللي على الظلما غدو مثل كشاف=ولجنوبهم عند المضاجع تجافي
ولحب دين الله يجي فيهم اسراف=ولسنة الهادي يجيهم اشغافي
ربع(ن) على نهج الصحابه والاسلاف=على النقى ماعندهم شي خافي
وصلاة ربي عد من حج واطاف=واعداد زخات المطر فالفيافي
على نبياً كمل الدين بنصاف=وبين طريق(ن) ماعليه اختلافي