مطلوب تحليل

[سلطان البقمي]

المشاركة الأصلية كتبت بواسطة ابراهيم الجـــــذع

سلطان توقعت أنك تحللها صح

واستغربتك كيف أخطيت تحليلها

رغم أن المعنى واضح

عموماً نشوف الردود ولي عوده

هذا اللي عندي ياخوك و الباقي عند الاعضاء وعددهم فوق الالف

آخر تعديل سلطان البقمي يوم 01-May-2011 في 07:13 AM.

[الامير حريبيش]

انا والله ماني شاعر بس هالمحاوره مشهوره واذكر شفناها انا وشباب يحبون المحاوره ويفهمون معانيه يقولون ان العلاوه يتشره علي مصلح بن عياد ويقول انت تجامل القبائل بقوه علي حساب قبيلة بالحارث ويطالبه بصرامه اكبر في الدفاع عن بني الحارث وعدم مجاملت القبائل الاخري

[محمد ابن رووق]

المشاركة الأصلية كتبت بواسطة الامير حريبيش

انا والله ماني شاعر بس هالمحاوره مشهوره واذكر شفناها انا وشباب يحبون المحاوره ويفهمون معانيه يقولون ان العلاوه يتشره علي مصلح بن عياد ويقول انت تجامل القبائل بقوه علي حساب قبيلة بالحارث ويطالبه بصرامه اكبر في الدفاع عن بني الحارث وعدم مجاملت القبائل الاخري

اتفق معك



خصوصا العلاوه اسلوبه تصادم



وابن عياد ثقيل شوي

[السفراني]

المشاركة الأصلية كتبت بواسطة محمد الذيابي

المحاوره بين الشاعرين / مصلح بن عياد والشاعر / عبدالله العلاوه الحارثي
المطلوب تحليل المحاوره والمعنى الذي يحتويه الطاروق

عبدالله العلاوه

عداد مادندن الراعد ولاح البرق من فوق=يامرحبا بالاقارب والاجانب بالنيابه
مالله خلق مثل بالحارث على ذا الارض مخلوق=واللي مهو ذيب يامصلح تعشاه الذيابه

مصلح:

عداد من حج بيت الله وخذ مقضا من السوق=دام البقا يامرحب عن شباب وعن شيابه
عز الله انا علينا للرجال حقوق وحقوق=من غير تقصير في خندف وعزوتنا شبابه

العلاوه:

والله يامدام جسمي فيه نبض ودم وعروق=اني ما سالك سوالٍ منت داري عن جوابه
فصل وانا البس واخذها واعطها والكيف له ذوق=واللي مايطعم حلاها والمراره وش تبا به

مصلح:

ياراعي الجوهره زوّد على الصندوق صندوق=واحسب حساب الزمان اللي صرف لك من حسابه
عز الله انا على جزل المعاني هزنا الشوق=سلمت ياراسي اللي ماتميلك العصابه

العلاوه:

انا عدو الزمان اللي صرف لي شيك مسروق=وليا اختلط سيلها بالابطح ايامه تشابه
ماحولنا شر نسلم منه غير الغدر والبوق=والغدر والبوق ملبوس المغفل والغلابه

مصلح:

صبرك عليه وانا صبري ترى المطرود ملحوق=والشر مدري من الهذلان والا من عتابه
لاتحرق القلب ياحماس دم القلب محروق=وليا سلم لي جفير السيف احده في نصابه

العلاوه:

انته تدور حناجر في حلوقٍ ماهي حلوق=مدري تعذر عن اللي عاف زاده مع شرابه
ارتاح لاينحرق رزك ترى المجموع مفروق=والمنفرق مجتمع والظلم له ريس عصابه

مصلح:

مصدرك ماثوق ياراع الوفا مصدرك ماثوق=واللي يعاتبم من قلبٍ نظيف اقبل عتابه
مادمت رجلٍ كفو تقدر ترد الطاق مطبوق=الله يحييك واللي في ظميرك مرحبابه

العلاوه:

هي فلة حجاج هي دنيا فرح عاشق ومعشوق=والا صحيح البعوضه خير منها والذبابه
راسٍ مقرٍ يروس الروس والا راس محلوق=ياروس ونفوس ياجنة عذابي يازمانه

العلاوه: هل البيتين التاليه لمصلح

لا والله لها حدود وفي سماها غرب وشروق=من لا يحسب عواقبه تبا تنثر زهابه
والشاعر اللي يبا ياخذ مع الطاروق طاروق=شويه شوي لايقضي على ظرسه ونابه

العلاوه:

دنياي ماهابها هيبة لسان ووجه مصدوق=اموت لاهابني واحيا ليا اعطيته مهابه
حنا نغني يامصلح والسنين تسوق وتحوق=قال النثل صاحب الوادي هو ادرى عن شعابه

مصلح:

لاتقطع اليأس من دنياك والبارود مسحوق=يالرامي اللي ليا صوبت دققت الاصابه
اسمك مسجل على الصفحات مع برقا ومع روق=وزعتك يافارس الفرسان مافيها طلابه


وسلامتكم

اتمنى مراجعة الكلمات الملونه بالاحمر هل فيها أخطاء وكذلك مراجعة ترتيب الابيات

فأنت كاتب العلاوة مرتين متتاليه


ولي عودة

[محمد الذيابـــي]

الاخ سلطان البقمي

مشكور جدا لكن ليس هذا المعنى حسب اعتقادي

التوقيع

التوقيع محمد الذيابـــي

[محمد الذيابـــي]

ابراهيم الجذع

لاهنت يالغالي

[محمد الذيابـــي]

الامير حريبش

لاهنت يالغالي

[محمد الذيابـــي]

السفراني ملاحظاتك في محلها



اخطاء املائيه غير مقصوده نعتذر من الاخوه القراء


مشكور يالسفراني

[محمد الذيابـــي]

اتمنى مشاركة خبراء شعر المحاوره

[ابو فايح]

وجهة نظر خاصه بـ ابو فايح

الطاروق فيك سبك فريد من العلاوه وتلاعب فالالفاظ بشكل عجيب

المعنى الحقيقي بدأ من هالبيتين

انا عدو الزمان اللي صرف لي شيك مسروق=وليا اختلط سيلها بالابطح ايامه تشابه
ماحولنا شر نسلم منه غير الغدر والبوق=والغدر والبوق ملبوس المغفل والغلابه



والطاروق في مجمله يتحدث فيه العلاوه عن ما تعرض له من منغصات وحروب في المجال الشعري كما يرى هو وابن عياد يقول لا نعلم السبب في ذلك ومهما كان أنت تقدر ترد الطاق مطبوق .